HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3605 refle ile bu havuzlar pek câiz bir manzara alırlar. İnşââtda ziyâ, harâret ve tecdîd-i havâ mesâili de ehemmiyetli sûretde mevzûʻ-ı bahis olur. Bir kelime ile denilebilir ki, bu havuzlar asrın hıfzıssıhha kavâʻidinin bütün ahkâm ve kavâʻidini câmiʻ olarak inşâ edilmekdedir. Hâricî yüzme havuzları memâlik-i muʻtedilede yaz mevsimi kullanılan ve ekseriyâ sayfiye ve mesîre gibi mahallerde büyük ve güzel parklar dâhilinde inşâ olunan nevʻleridir. Bunlarda sunʻî ziyâ, harâret ve tecdîd-i havâya ihtiyâc yokdur. Açık havâda, güneş ve ay ziyâsı altında bi'l-umûm yüzü- cüler istifâde etmekdedirler. Yüzme mahâretleri, yüksekden atlamalar bu yerlere birçok seyirci kit- lelerini de celb edeceğinden dâimâ kalabalık olur ve mevsimleri imtidâdınca en câzib mesîrelerden addolunur. Pratik nokta-i nazarından yüzme havuzlarının bazı sıhhî ve ictimâʻî şerâite tâbiʻ olacağı âşikâr- dır. Evvelâ bu gibi havuzlara girip yüzeceklerin kendilerini iyice muʻâyene etmeleri, herhangi bir râhatsızlık ve hastalığa karşı müteyakkız bulunmaları, bilhâssa cildleri üzerindeki ufak tefek çıban, yara ve bere gibi şeylere ehemmiyet verip muʻâyene etdirmeleri iktizâ eder. Burada vicdân-ı şahsî pek mühim bir hıfzıssıhha âmili olur. Havuza girecek bilâ-istisnâ her şahsın ibtidâî birer sıcak duş olma- ları ve vücûdunun bütün aksâmını mâyiʻ sabun ile yıkamaları pek mühim bir vazîfedir. Bu husûsda ılık ve soğuk su ile yapılan duşların ve kalıp sabun kullanmanın muvâfık olmadığı anlaşılmışdır. Bu duşlar husûsî meʼmûrları tarafından mütemâdiyen kontrol ve taʻkîb edilmek iktizâ eder. Bu kadar ciddî taʻkîbâta ve terbiye-i ictimâʻiyenin bu asırdaki tekâmülüne rağmen yapılan tedkîkâtda havuza girenlerin yüzde 11'inin duş yapmadıkları, 52'sinin vücûdlarını biraz ıslatdıkları, 21 kişinin de etrâf ve başını yıkadıkları ve ancak 16 kimsenin tâm usûlüne muvâfık duş yapdıkları anlaşılmışdır. Yüzücüler vücûdlarında ağır yük ve kalın elbiseler taşımayarak ancak aʻzâ-yı tenâsüliyeyi ör- tebilen bir yüzme donu giyeceklerdir. Diz çorapları giymek usûlü de kaldırılmalıdır. Maʻamâfîh titiz, asabî ve saçlarına pek ehemmiyet veren hanımların lastik başlık giymelerine ses çıkarılmayabilir. Havuzun hâvî olduğu her bin galon suya yirmi kişiden fazla isâbet etmemesi çok muvâfıkdır. Maʻamâfîh bazı şerâit dâhilinde bu mikdâr suda otuz-kırk kişi de sıhhî bir tehlike olmaksızın yüzebi- lir. Fakat hiçbir vakit bu mikdâr suda yüz kişiden fazla yıkanmamak lâzım gelir. Yüzme havuzlarının hâvî olduğu herhangi mülevves sular ile insânlara sirâyet edebilecek has- talıklar maʻlûmdur. Bunlardan en mühimmi tifo, dizanteri gibi bağırsak hastalıkları ile cihâz-ı [496] teneffüsînin yukarı kısmına âid iltihâbâtdır. Bundan mâʻadâ iltihâb-ı cüyûb, iltihâb-ı nütûʼ-ı helemî, kulağın hâdd-i iltihâbı gibi mühim avârız da sirâyet edebilir. Veremin de havuz sularıyla geçdiğini iddiʻâ ve isbât eden müellifler mevcûddur. Hattâ nezle bu sûretle pek kolay sirâyet edebileceği gibi göze âid münzamme iltihâbı da bilhâssa çocuklara kolayca geçebilmekdedir. Bundan mâʻadâ pis ve bulaşık havuz sularıyla bir kısım cild hastalıkları ve bilhâssa protozo- aires nevʻleri ve emrâz-ı zühreviyenin sirâyet edebileceği de unutulmamalıdır. Pislik ile ülfet etmiş çıbanlı, yaralı ve uyuzlu eşhâs sirâyet nokta-i nazarından pek mühim birer âmil sayılırlar. Bunlardan suya intişâr eden mütenevviʻ ve müvellidü'l-maraz mikroplar bilhâssa dâimî cereyânı olmayan ve muʻtedil derece-i harâretdeki havuzlarda hemen bir kültür hâline geleceği cihetle pek korkunç bir vâsıta-i sirâyet telâkkî olunmalıdır. Terbiyesi hadd-i kemâlde olmayan ve ictimâʻiyâtdan bî-behre olan eşhâs bu gibi havuzlara sümkürmek, hıçkırmak, tükürmek, aksırmak, öksürmek, kusmak hattâ işemek gibi fizyoloji ve ma- razî fiʻl ve hareketleri bî-pervâ ve mütemâdî bir sûretde ibzâl ve isrâf ederler. Bu gibilerinin bilerek, bilmeyerek mâlik oldukları hastalık tohumlarıyla havuza giren, çıkan ve yüzen ahbâb ve âşinâlarını