HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3606 ne kadar kolaylık ile ve ne derece samîmî bir sûretde tehlikeye koyabilecekleri şübhe götürmeyen bir hakîkatdir. Vücûdunda ve cildi üzerinde irinli, akıntılı her şahıs bilâ-istisnâ yüzme havuzları civârına yak- laştırılmamalı ve bu gibiler herhangi bir sûretle havuza girmek teşebbüsünde bulunurlarsa sıhhat ü âfiyet ile alâkadâr olanların haber almaları ve meʼmûruna ihbâr etmeleri iktizâ eder. Her yüzmeden ve havuzdan çıkdıkdan sonra herkesin yine bir temiz ılık duş alması şahsî hıfzıssıhha nokta-i nazarından pek mühim olup bu duş esnâsında hafîf bir dezenfektanlı sabun kullanmak muvâfıkdır. Yüzme havuzlarında herkesin şahsına mahsûs havlu, örtü ve elbiseleri kullanması lâzım gelir. Eşhâs tarafından kullanılan umûmî eşyâ ve elbiseler pek dikkatli bir sûretde tathîr, tebhîr ve hattâ îcâb eder ise muzâdd-ı taʻaffün mahlûller ile muʻâmele edilmeleri lâzım gelir. Havuzlara civâr muʻayyen mahallerde tuvalet teshîlâtı hiçbir sûretle ihmâl edilmemelidir. Ge- rek soğuk ve gerekse ılık suların cildi ve binâberîn böbrekleri tenbîh edeceği cihetle yüzenlerin sık sık tebevvül etdikleri görülüyor. Bilhâssa böbreklerinde ufak tefek avârız ve ihtilâtât olan eşhâs bir-iki defa yüzmeyi müteʻâkib idrârlarının çoğaldığını his ve kabûl ederler. Bu gibi tuvalet odalarına lâzım gelen temizlik ve güzellik de ihmâl edilmemelidir. Amerika'da gizli yapılan bir teftîş netîcesinde yüz- me havuzuna mahsûs tuvalet teshîlâtı olmaması dolayısıyla 120 mekteb çocuğundan 49'unun havuz suyuna işedikleri meydâna çıkmışdır. Bundan mâʻadâ suya tükürmek, hıçkırmak, öksürmek ve aksır- mak gibi ahvâl de bittabʻ menʻ edilmelidir. Gerek şahsî ve gerekse umûmî yüzme havuzlarında birinci derecede mühim olan şahsî hıfzıs- sıhha olup suyun sıhhî şerâiti ikinci mertebe-i ehemmiyetde kalır. Yüzme havuzlarının hâvî olduğu suyun asgarî haftada iki defa muʻâyenesi elzemdir. Maʻamâfîh her gün suyun bakteriyoloji nokta-i nazarından [497] tahlîli pek lâzım bir keyfiyetdir. Bazı müellifler bu sularda sâde kolibasil taʻdâdını havuz suyunun bulaştığını gösteren bir âmil diye telâkkî etme- mişler ve bütün mikropların taʻdâdını mühim göstermişlerdir. Bunun aksini iddiʻâ ve müdâfaʻa eden müellifler de vardır. Suda nazar-ı dikkate alınacak bakteriler, subtilis, hey gibi misâfir numûneler ile en mühimmi bittabʻ koli ve tifo basilleridir. Suyun temiz olduğuna kanâʻat için bir santimetre mikʻabı suda yekûn yüz bakteriyi geçmemeli ve on santimetre mikʻabında da koli mevcûd olmamalıdır. Bazı sıhhî komisyonlar yekûn mikdârını 200 kadar kabûl ederler. Maʻamâfîh aynı günde alınan beş numûne sudan 2'den fazlası koli basilini hâvî olmamalıdır. Bunun aşağısı husûsî ve atletik kulüplerin havuzlarında olabilir. Umûmî tanklar, sâhillerde teʼsîs edilen havuzlara birçok yüzücü hücûmu karşısında bu mikdârı beş binden aşağı yap- mak mümkün değildir. Yevmiye 50-100 kişi giren havuzlara husûsî ve 5-10 bin girenlere de umûmî demek muvâfıkdır. Kolibasili dâimâ 10 ve 20 santimetre mikʻablık su numûnelerinde tesâdüf etmek havuzun teftîşinde lâzım gelen dikkatin sarf olunmadığını ve şahsî hıfzıssıhhaya adem-i riʻâyeti gösteren bir delîl diye telâkkî etmekdedirler. Yüzme havuzlarında nazar-ı dikkate alınacak şeylerden en birincisi yüzücünün sıhhati olup bundan sonra ehemmiyet suyun şerâit-i sıhhiyesine verilmelidir. Üçüncü derecede de havuzun bizzât kendisi ve tanklar gelir. Havuz inşââtında mümkün mertebe kolaylıkla temizlenebilecek mâddeler kullanılmalıdır. Fa- razâ çini ile örtülmüş havuzların temizliği pek az zamânda ve pek az mevâdd-ı kimyeviye ile istihsâl