HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3610 lâzım olur" fikriyle elbise dolâblarında hadd-i gâyesine vâsıl olan parça biriktirme merâkıdır. Hâlbuki bu kumaş parçalarının âkıbet güvelere meʼkel olmakdan başka hiçbir hizmetleri yokdur. Eşyâsı temiz ve zarîf bir evde lüzûmsuz ve fâidesiz şeylerin vakt ü zamânıyla dolâblardan defʻ ve ihrâcı umûmî temizlik tedâbîrinden addedilmeli ve bu lüzûmsuz şeylerin yanı başında bulunacak yeni eşyânın bu tedbîr sâyesinde hüsn-i muhâfazası teʼmîn edileceği anlaşılmalıdır. Eşyâsı karma karışık, darma dağın dolâblara güveler pek mütehassirdirler. Eski yünlü eşyâ, gayr-ı müstaʻmel elbise vesâireyi mahzâ lüzûmsuzluğuna binâen evin neresin- de olursa olsun alâ hâlihî terk etmemelidir. Bu gibi eşyâ-yı metrûke ve gayr-ı müstaʻmelenin temizlenmesi ve tozlarının alınmaması tekmîl hâneyi güve ile bulaştıracak bir mihrâk teşkîl edeceğinde aslâ şübhe edilmemelidir. Güvelerin ev içinde tekessürüne bodrum katında veyâhûd tavan arasında aslâ tathîrâta tâbiʻ tutulmayan eşyânın sebeb teşkîl edeceği de unutulmamalıdır. Müze Güveleri Çiçekler üzerinde veya pek az sarf-ı ihtimâm edilen haşerât koleksiyonlarında yaşayan ve kısa bir zamân zarfında en güzel koleksiyonları mahv u harâb eden bu haşere 2,25 milimetre cesâmetinde bir tufeylîdir. Müze güvelerinin koleksiyonlarında bizzât verdiği zarar gerçi ehemmiyetsizdir. Fakat çıplak göz ile fark ve teşhîs edilmeyecek derecede küçük olan yumurta ve sürfeleri kurutulmuş haşerât için- de neşv ü nemâ bularak bunları hemen gubâr hâline kalb ederler. Bundan mâʻadâ, bu sürfeler içi doldurulmuş zâtü's-sedâyânın tüylerine, kuş kalemlerine ve içi doldurulmuş hayvânâtın cild-i rakîkine de ârız olan bir düşmandır. Ağzı açık husûsî şişelerle koleksiyon kutularına, câmekânlara vazʻ edilecek klor-ı murabbaʻ-ı karbonun neşredeceği buhâr müze güvelerinin itlâfında en müessir bir vâsıtadır. Bundan daha az müessir olmak üzere zeyt-i tayyâr teremendi ve xylol dahi imhâ vâsıtası olarak müstaʻmeldir. Kürkler ârız olan mugatti'l-cenâh nevʻinden büyük bir düşman da attegène nâmı verilen haşe- redir. Ancak dört milimetre cesâmetinde olan bu tefeylî nebâtât-ı muhtelife çiçeklerinde yaşadığı hâl- de ev ve apartmanlarımıza da dâhil olarak bilhâssa yünde, tüylü tüysüz hayvân derilerinde, şiltelerde, halılarımızda ilh. taʻayyüş ve ez-cümle sürfeleri Haziran, Temmuz aylarında inkişâf eder. Maʻlûm olduğu üzere bu aylarda bu gibi eşyânın her gün tozları alınamadığı ve tathîrât-ı yev- miyesi icrâ edilemediği için sürfelerin tekessürüne mâniʻ olunamamakdadır. Güvelere karşı tatbîk edilen silkme ve vurma ameliyesi bu tufeylî hakkında da mâ bihi't-tatbîk olabilir. (Mâbaʻdi var.)