HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3612 Pek nâdiren de aʻzâ-yı dâhiliyenin ezildiği veya yırtıldığı bazı aʻzâ aksâmının vücûddan kop- duğu görülür. Tedâvî Yıldırımla vurulan bir kimsenin tedâvîsinde en evvel yapılması zarûrî ve lâzım olan şey, toprak üzerinde bî-hûş olarak yatan o bedbahta teneffüs ve deverân-ı demi iʻâde ve teʼmîn etmekdir. Hattâ şahsın hayâtından tamâmen katʻ-ı ümîd edilmiş olsa bile mutlak teneffüs-ı sınâʻîye mürâ- caʻat edilmelidir. Bunun için evvel emirde kazâzedenin vücûdunu, boynunu, göğsünü, batnını tazyîk eden elbise aksâmı açılacak ve mecrûh yüzükoyun yatırılarak kolları ileri ve baş bir cihete mâil vazʻiyetde Scha- fer usûlü teneffüs-i sınâʻî tatbîk edilecekdir. Yıldırımdan hâsıl olan felç vakʻalarında teneffüs-i sınâʻînin vereceği netîceler teehhur edebile- ceğinden bundan nâ-ümîd olmayarak tatbîkâta uzun müddet devâm edilmelidir. Teneffüs-i tabîʻî avdet etdiği ve mecrûhun aklı başına geldiği zamân kahve, çay ve Hoffman damlaları gibi el altında bulunacak bir kordiyal verilecekdir. Tedâbîr-i Tahaffuziye Fırtına esnâsında ağaç, direk, kule gibi yüksek ve münferid ecsâmın pek yakınında bulunmak tehlikelidir. Açık arâzîde, tarla içinde bulunduğumuz zamân elektrikle mahmûl bulutlar tebâʻüd edinceye kadar toprağa yatmak ihtiyâtkârlıkdır. Şâyed oda içinde bulunuyorsanız gaz ve su borusu, soba, radyatör, avize vesâir ecsâm-ı maʻde- niyeden uzaklaşınız. Bulunduğunuz odanın penceresini açınız ve fakat cereyân hâsıl etmeyiniz. Fırtınanın devâm etdiği müddet zarfında telefon etmeyiniz. Yıldırım darbeleri[nin] dağlara ve bilhâssa dağların zirvelerine isâbet etdiğini de unutmayınız. _______________ [503] TESEMMÜM VAKʻALARINDAMÜDÂVÂT-I EVVELİYE -İntihârlar münâsebetiyle- Bir tesemmüm vakʻasında vakit gâib etmeden bir tabîb celb etmek yapılacak tedâbîrin birincisi ve belki en mühimmidir.