HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3618 Mehmed Celâl Bey'in Vefâtı Merkez-i umûmîmiz aʻzâ-yı sâbıkasından Kâtib-i Umûmî Mehmed Celâl Bey 23 Temmuz sa- bâhı vefât etdi. Pek kıymetli hukûk-şinâsânımızdan olan Celâl Bey merhûm Mekteb-i Hukûk ve Mülkiye'de senelerden beri tedrîsâtla memleketimizin ilm ü irfânına hizmet [508] etmiş ve iffet ve ciddiyetiyle herkese kendisini sevdirmiş ricâl-i fâsıla ve güzîde- mizdendir. Hilâl-i Ahmer târîhinde de ibkâ-yı nâm eden merhûm, Hilâl-i Ahmer Muʻaddel Nizâmnâme-i Esâsîsi 'ni tanzîme meʼmûr olan komisyonun faʻâl bir uzvu idi. Merkez-i umûmîmiz Celâl Bey'in vukûʻ-ı ir- tihâli üzerine mahdûmlarından Yusuf Kenan Bey'e âtîdeki telgrafnâmeyi keşîde etmişdir: "-İstanbul Meydancık, Şamlı Hân, Avukat Yu- suf Kenan Bey'e, Hilâl-i Ahmer târîhinde de nâm-ı bülendi de- rin hürmetlerle anılacak olan muhterem pederinizin irtihâl-i hüznünü teessürlerle öğrendik. Merkez-i umûmî nâmına zât-ı âlînize ve âile-i muhteremeniz erkânına taʻziyetlerimizi arz ve merhûm-ı müşâru- nileyhin rûhuna fâtihalar ithâf eyleriz, efendim. 25 Temmuz [1]927 Reîs nâmına Doktor Asım İsmail " _______________ İsmet Paşa Hazretlerinin Bursa'yı Teşrîfleri Pek muhterem başvekilimiz İsmet Paşa hazretlerinin 7 Temmuz 1927 târîhinde Bursa'yı teşrîf- lerinde Bursa merkezimiz ile Himâye-i Etfâl merkezi tarafından berây-ı istikbâl Aksu'ya bir heyʼet iʻzâm kılınmış ve yerli krep döşinden maʻmûl ufak kıtʻada bir Hilâl-i Ahmer bayrağına sarılı buketi Melâhat Hanım müşârunileyh hazretlerine takdîm eylemişdir. _______________ Bursa'da Hilâl-i Ahmer Faʻâliyeti Sene başından iʻtibâren Bursa'da Hilâl-i Ahmer şefkat pulları hâsılâtı 348.455 kuruşa bâliğ olmuşdur. Bu yekûnden 281.570 kuruş Tütün İnhisâr İdâresi tarafından sarf olunan pullara âid bulunmak- dadır. Hilâl-i Ahmer Merkez-i Umûmîsi aʻzâ- yı sâbıkasından Kâtib-i Umûmî merhûm Mehmed Celâl Bey Feu Mehmed Djelal Bey, ancien secrétaire général du Croissant-Rouge