HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3622 Müsâmereye öğleden sonra Bahriye Muzıkası'nın nefîs bir konseriyle başlanmışdır. Bundan sonra alaturka bazı parçalar çalınmış ve muhtelif varyeteler gösterilmiş ve bilhâssa 90 artistin iştirâ- kiyle tertîb edilen muhtelif ve çok eğlenceli varyete takdîr ile alkışlanmışdır. Sâʻat yirmiden sonra yapılan gece eğlenceleri sabâha kadar devâm etmiş ve müsâmereye iştirâk edenlerin birçoğu muntazam ve mükemmel bir cazbandın âhengi ile dans etmişlerdir. Köprü ve Kadıköy ile Sarayburnu arasında münâkalâtı Seyr-i Sefâin ve Şirket-i Hayriye vapur- ları teʼmîn etmişlerdir. Birecik'de rozet tevzîʻâtı intibâʻâtından Distribution de la fleurette rouge à Biredjik Mahmud Mansur Bey Fransa'nın Madagaskar adası müstemlekelerinde ticâretle meşgûl Mahmud Mansur Bey, Hilâl-i Ahmer Cemʻiyeti'ne fart-ı merbûtiyetiyle tanınmış hayır-perver bir zâtdır. Mahmud Mansur Bey, bir muʻâvenet-i insâniyet-kârî olmak üzere her ay muntazaman merkez-i umûmîmize 100 ilâ 150 frank göndermekdedir. Mansur Bey'in îfâ etdiği bu vazîfe-i teʻâvünü Mecmûʻa bir hiss-i şükrânla yâd eder. _______________ [513] Adana Dispanseri Geçen Temmuz ayı zarfında Adana Hilâl-i Ahmer Dispanseri'ne mürâcaʻat eden hastaların ade- di 1.174'dür.