HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3624 Memleketin muhtâc ve kimsesiz yüzlerce yetîm kızlarına, yoksul dullarına el işlerini öğreterek hayâtlarını şeref ve nâmûsla kazanmağı teʼmîne uğraşan Cağaloğlu'nda Hilâl-i Ahmer İstanbul Mer- kezi binâsının bir tarafında çalışan bu hayırlı müessesenin idâresini derʻuhde eden hanımefendileri bu vesîle ile bir daha hürmetle yâd eder ve muhterem halkımızın zevk-i selîmine arz olunan bu bedîʻî meşheri görmelerini tekrâr tavsiye eyleriz. _______________ Macar Gençlik Salîb-i Ahmeri Aded-i aʻzâsı 114.000'e bâliğ olan Macar Gençlik Salîb-i Ahmeri'nin otuz gençden müteşekkil iki grubu geçen ay taʻtîllerden bi'l-istifâde İstanbul'a bir seyâhat tertîb etmişlerdi. Bu gençlerin şerefine İstanbul merkezimiz tarafından 14 Temmuz'da bir çay ziyâfeti verilmiş ve ziyâfet pek samîmî tezâhürâta vesîle olmuşdur. Macar misâfirlerimiz Atina'da Yunan Gençlik Salîb-i Ahmeri'ni ziyâret etdikden sonra memle- ketlerine avdet etmiş olacaklardır. _______________ Hastabakıcı Konferansı Cenevre'de 27 Temmuz'dan 31 Temmuz'a kadar akd-i ictimâʻ eden Beynelmilel Hastabakıcı Konferansı'nda Hilâl-i Ahmer Hastabakıcı Mektebi'ni temsîl etmek üzere Safiye Hüseyin Hanım in- tihâb edilmişdir. Safiye Hüseyin Hanım'ın Cenevre'deki meşhûdâtını gelecek nüshamıza derc edeceğiz. _______________ Haziran Nâhiyesi Hilâl-i Ahmer Teşkîlâtı Isparta vilâyetine tâbiʻ Yalvaç kazâsının Hoyran nâhiyesi merkezinde Hilâl-i Ahmer teşkîlâtı yapılarak idâre heyʼeti riyâsetine Nâhiye Müdürü Süleyman Sabri Bey, aʻzâlıklarına eşrâfdan Kara Halil ve Gök Abdullah ve Nuri Efendiler intihâb edilmişlerdir. Muvaffakiyet temennî ederiz. _______________ Zonguldak Merkezi Heyʼet-i Cedîdesi Zonguldak Hilâl-i Ahmer Merkezi Heyʼet-i İdâresi âtîdeki zevâtdan teşekkül etmişdir: * Sıhhiye Müdürü Safvet Bey * Kimyâger Arif Bey * Doktor Salih Rahmi Bey