HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3648 Bu madalyaya kesb-i istihkâk eden 621 aʻzâ meyânında Felemenk Salîb-i Ahmer Reîsi Velîʻahd Prens Hanri de bulunmakdadır. _______________ Danzig İlk İmdâd İçin Tertîb Olunan Film Danzig Serbest Şehri Salîb-i Ahmeri kazâ vukûʻunda yapılacak ilk imdâd ve muʻâveneti irâʼe eder bir sinema filmi tertîb etmiş ve bu filmin ilk temsîli rüesâ-yı hükûmetle heyʼet-i belediye huzû- runda verilmişdir. Film, ilk imdâd teşkîlâtında Salîb-i Ahmer meʼmûrînine müterettib vezâifi göstermekdedir. _______________ İngiltere Gençlik Salîb-i Ahmeri İngiltere'de Gençlik Salîb-i Ahmeri seneden seneye inkişâf ve tekâmül etmekdedir. Geçen sene 58 zümreye ve 3.000 aʻzâya mâlik bulunan Gençlik Salîb-i Ahmeri'nin bu sene aded-i [531] aʻzâsı beş bine ve zümre mikdârı doksan ikiye bâliğ olmuşdur. İngiliz Gençlik Salîb-i Ahmeri tedrîcen heyʼet-i muʻallimîni ve heyʼet-i tıbbiyeyi de kendisine cezb ve celb etdiği geçen sene zarfında elde edilen netâyicden müstebân olmakdadır. Muʻallimler, mekteb müfettişleri, müderrisler, meʼmûrîn-i sıhhiye, sigorta komiteleri tarafın- dan Gençlik Salîb-i Ahmeri'ne ve dolayısıyla ana Salîb-i Ahmeri'ne pek büyük bir alâka ve merbûti- yet gösterilmekdedir. Müdür-i Mesʼûl: Arif Süleyman