HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 73 3677 Bu proje 1921 senesinden iʻtibâren Cemʻiyet-i Akvâm'da birçok safahâtdan geçdikden sonra müesseseye Beynelmilel Muʻâvenet Birliği nâmı verildi ve ihzâr olunan nizâmnâme-i esâsîsi bir siyâsî konferansa havâle edildi. Birçok Salîb-i Ahmer Cemʻiyetlerinin murahhasları da dâhil olduğu hâlde kırk iki devlet mü- messillerin huzûruyla Cenevre'de Cemʻiyet-i Akvâm Kitâbet Dâiresi'nde akd-i ictimâʻ eden bu siyâsî konferansa Hükûmet-i Cumhûriyemiz nâmına Bern Sefiri Münir Beyefendi de iştirâk etdi. Altı sene lâ-yenkatıʻ devâm eden bir saʻy ü himmetden sonra Ciraolo projesi nihâyet kuvveden fiʻle çıkdı ve Salîb-i Ahmerlere yeni bir faʻâliyet sâhası açılarak bütün akvâm-ı cihân arasında yeni bir râbıta-i tesânüd teessüs etdi. Bir ehemmiyet-i fevkalâdeyi hâiz olan Beynelmilel Muʻâvenet Birliği'nin mukâvelenâmesiyle nizâmnâme-i esâsîsi hakkında ileride tafsîlât vereceğiz. HİLÂL-İ AHMER HAVÂDİSİ İʻtizâr Merkez ve şuʻabâtımız tarafından gönderilen resimleri Mecmûʻa ya dercinde sıra taʻkîb etdiği- miz için bazılarıınn neşri maʻalesef teehhur ediyor. Bi'z-zarûre vukûʻa gelen bu teehhurdan dolayı alâkadâr müesseselerimize arz-ı maʻzeret ederiz. _______________ Üsküdar Riyâseti Ağustos'un yirmi üçüncü günü öğleden sonra Üsküdar'da zuhûr eden yangın yüzlerce âileyi mahv u perîşân eden büyük bir felâketdir. Üsküdar'ın ekseriyeti iʻtibârıyla muhtâc ve fakîr olan bir kısım halkının uğradığı bu musîbet- den pek ziyâde müteessir olan Reîsicumhûr Gâzî Mustafa Kemal Paşa hazretleri felâketin akab-i vukûʻunda beş bin lira [17] teberruʻ etmek sûretiyle ibrâz-ı âtıfet buyurmuşlardır. Bundan mâʻadâ, Gazî Paşa hazretleri harîkzedelere yardım için teşekkül eden komisyonun mesâʻîsine de yakından alâkadâr olmakdadırlar. Hilâl-i Ahmer Cemʻiyeti bu felâket-i nâgehânîden müteessir olanların ihtiyâcâtına sarf edilmek üzere komisyon-ı mahsûs emrine beş bin lira göndermişdir. Her felâkete zahîr olarak memleketimizin ictimâʻî tesânüdünü isbât eden müessesât-ı mâliye ve ticâriyemizle muhterem halkımızın açılan defter-i iʻâneye en geniş mikyâsda iştirâk edeceklerine iʻtimâdımız vardır. Felâketzedelere necîb yardımını bezl buyuracak zevât teberruʻlarını Hilâl-i Ahmer İstanbul Merkezi'ne tevdîʻ edebilirler. ***