HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 73 3679 Hilâl-i Ahmer'in Taşköprü Harîkzedelerine Muʻâveneti Merkez-i umûmîmiz Taşköprü harîkzedelerine muʻâvenet için Kastamonu Hilâl-i Ahmer Mer- kezi'ne telgrafla beş bin lira göndermişdir. _______________ İsmet Paşa Hazretlerinin İstanbul Hilâl-i Ahmer Merkezi'ni Ziyâretleri Muhterem başvekîlimiz İsmet Paşa hazretleri Eylül'ün on birinci Pazar günü akşâmı Hilâl-i Ahmer İstanbul Merkezi'ni ziyâret buyurmuşlardır. Paşa hazretleri Hilâl-i Ahmer kapısında Reîs Ali Paşa ve Reîs-i Sânî İbrahim Talîʻ Bey tarafın- dan istikbâl edilmiş ve riyâset odasına alınmışdır. İsmet Paşa hazretlerinin Hilâl-i Ahmer'in faʻâliyeti hakkında taleb etdikleri îzâhât Ali Paşa ta- rafından verilmişdir. Başvekîlimiz Hilâl-i Ahmer'in mesâʻîsini takdîr buyurmuşlardır. Reîs Ali Paşa, İsmet Paşa hazretlerinin göğüslerine bir Hilâl-i Ahmer rozeti taʻlîk etmiş ve paşa hazretleri de bu hediyeye beyân-ı memnûniyet etmişlerdir. Baʻdehû İsmet Paşa hazretleri Hilâl-i Ah- mer binâsındaki Hilâl-i Ahmer Kadınlar Sanʻa- tevi'ni gezmek arzusunu ızhâr buyurmuşlardır. Bunun üzerine el işi masnûʻâtının teşhîr edildiği salona geçilerek Türk kadınlığının zevk ve sanʻa- tını gösteren nâdîde bazı eşyâ, müşârunileyh haz- retlerinin nazar-ı tedkîkine arz edilmişdir. Başvekîl hazretleri Sanʻatevi maʻmûlâtını takdîr etmişlerdir. _______________ Hilâl-i Ahmer Muhâsebeciliği Ziya Bey'in vukûʻ-ı istiʻfâsıyla inhilâl eden Hilâl-i Ahmer muhâsebeciliğine Petrol ve Benzin İnhisârı Muhâsebecisi Cemil İsmail Bey taʻyîn edilmişdir. Cemil İsmail Bey, 1319 [1903] senesinden 1322 [1906] târîhine kadar Defterdar'da Mensû- cât Fabrikası → Hilâl-i Ahmer Merkez-i Umûmî Muhâsebecisi Cemil Bey Djemil Bey, nouveau chef de la comptabilité du Siège central du C.-Rouge