HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 73 3699 4-İçki ve afyon, morfin, kokain vesâir bu gibi menviyât ile mücâdele eden cemʻiyetlerle teşrîk-i mesâʻî 5-Vâlide ve çocukları himâye maksadıyla teşekkül eden müessesât-ı umûmiye ve husûsiye ile teşrîk-i mesâʻî [33] 6-Şahsî ve ictimâʻî hıfzıssıhha kursları, konferanslar, kütübhâneler ve müzeler teʼsîs ve küşâdı ve hıfzıssıhha propagandasını her sûretle teşcîʻ 7-Gençlik Salîb-i Ahmer harekâtının terakkî ve inkişâfına gayret 8-Hastahâne, ziyâretçi hastabakıcıları yetiştirecek mektebler teʼsîsi 9-Yangın, feyezân, hareket-i arz gibi umûmî felâketlere hemen müdâhale ve muʻâvenet edebi- lecek ambülans, çadır vesâir malzeme anbârlarının ihzârı 10-Muʻâvenet ve ilk imdâd merkezleri bulunmayan köy ve kasabalarda bu merkezlerin teʼsîsi _______________ Belçika Faʻâliyet Belçika Salîb-i Ahmeri'nin 1926 senesi zarfındaki icrâât ve mesâʻîsini hulâsa eden senelik umûmî raporu Mayıs'ın birinde Brüksel'de inʻikâd eden meclis-i umûmîde kırâat edilmişdir. Belçika Salîb-i Ahmer reîsi olup meclis-i umûmîde riyâset eden Doktor Nolf?, îrâd etdiği nutk-ı iftitâhîde 1925-1926 feyezânları hakkında îzâhât verdiği sırada tekmîl merâkiz ve şuʻabâtın samîmi- yet ve fedâkârlığını bir lisân-ı takdîr ile yâd etdikden sonra 75.000 âileye muʻâvenet-i âcilede bulu- nulduğunu ve felâketzedegâna 18 milyondan fazla bir meblağ tevzîʻ edildiğini beyân etmişdir. Doktor Nolf?, nutkunda diğer bir kısmında büdcede ilk defa bir fazlalık tahakkuk etdiğini ve maʻamâfîh vazʻiyet-i mâliyenin ancak aded-i aʻzânın pek çok tezâyüd etmesiyle memnûniyet-bahş olacağına işâret etmişdir. Belçika Salîb-i Ahmeri'nin el-yevm Gençlik Salîb-i Ahmeri hâric olduğu hâlde aded-i aʻzâsı 80.000'dir. Müdür-i Umûmî Mösyö Dransart da Belçika Salîb-i Ahmeri'nin istihdâf etdiği gâyeyi üç nok- tada hulâsa etmişdir: 1-Sıhhiye-i askeriye ile teşrîk-i mesâʻî 2-Sıhhat-i umûmiyenin himâyesi için halkın terbiyesi 3-Mesâib-i umûmiyeye Salîb-i Ahmer'in muʻâvenet ve müdâhalesi Ulûm ve Sanâyiʻ Nezâreti'yle makâmât-ı rûhâniye ve mekteb gruplarının mazhar-ı himâye ve muʻâveneti olan Gençlik Salîb-i Ahmeri'nin neşretdiği mecmûʻa 20.000 nüsha tabʻ etmekdedir. _______________