HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 73 3700 Beynelmilel On Üçüncü Salîb-i Ahmer Konferansı Beynelmilel On Üçüncü Salîb-i Ahmer Konferansı'nın 1928 senesi Teşrîn-i Evvel'inde Lahey'de ictimâʻı takarrür etmiş ve keyfiyet Cenevre Merkez Komitesi'nden bi'l-cümle Hilâl ve Salîb-i Ahmer Merkezi Umûmîlerine teblîğ kılınmışdır. Bu münâsebetle şimdiye kadar tevârîh-i muhtelifde ictimâʻ eden konferansların târîh ve ma- hall-i ictimâʻlarını aşağıya derc ediyoruz: 1'inci konferans 1863'de Cenevre'de 2'nci konferans 1867'de Paris'de 3'üncü konferans 1869'da Berlin'de 4'üncü konferans 1884'de Cenevre'de 5'inci konferans 1887'de Karlsruhe'da 6'ncı konferans 1892'de Roma'da [34] 7'nci konferans 1897'de Roma'da 8'inci konferans 1902'de Petersburg'da 9'uncu konferans 1907'de Londra'da 10'uncu konferans 1912'de Washington'da 11'inci konferans 1921'de Cenevre'de 12'nci konferans 1925'de Cenevre'de _______________ Fransa Salîb-i Ahmer Meclis-i Umûmîsi Mecrûhîn-i Askeriyeye Muʻâvenet Cemʻiyeti nâmını taşıyan Fransız Salîb-i Ahmeri'nin 1927 senesi meclis-i umûmîsi 29 Mayıs'da Sorbonne Dârülfûnûnu'nda Fransa'nın Washington Sefîri Mös- yö Joresan'ın riyâset-i fahriyesi altında ictimâʻ etmişdir. Geçen seneki vâridât 19.989.397 frank 51 santim (1925 senesinde 17.065.002,12 frank idi.) ve masârıf 19.268.393,74 (1925'de 15.339.187) frank olup bu sene büdcesinde 721.013,77 frank bir fazla tahakkuk etmişdir. Fransız Salîb-i Ahmeri'nin el-yevm 475 merkezi ve 105.800 aʻzâsı vardır. _______________ Salîb-i Ahmer Fransız Kadınları Cemʻiyeti Meclis-i Umûmîsi Fransa'da Mecrûhîn-i Askeriyeye Muʻâvenet Cemʻiyeti'nden başka bir de Salîb-i Ahmer Fran- sız Kadınları Cemʻiyeti vardır ki, meclis-i umûmîsini 24 Mayıs'da Paris'de Coğrafya Cemʻiyeti binâ- sında akdetmişdir. Fransız Kadınları Cemʻiyeti gelecek Teşrîn-i Evvel ayında ilk hastabakıcı mektebinin ellinci sene-i devriyesini tesʻîd edecekdir. Bu cemʻiyetin 1926 senesi vâridâtı 458.988 franga bâliğ olmuşdur. _______________ Alman Salîb-i Ahmeri Kadınlar Cemʻiyeti'nin İctimâʻ-ı Senevîsi 31 Mayıs'da Berlin Şehremâneti Dâiresi'nde meclis-i umûmîsini akdeden Alman Salîb-i Ahme- ri Kadınlar Cemʻiyeti'ne şuʻbelerden iʻzâm kılınan 900 kadar murahhas iştirâk etmişdir.