HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 74 3718 Bunların çoğunda çok kere yapılan dakîk muʻâyenâta rağmen ciddî bir sebeb bulunamaz. Bu hâller ancak mihver-i bedenin inhirâfı ile adalât ve aʻsâba tazyîk ve murdâr iliğe olan inʻikâs sûretiyle îzâh olunabilir. Fi'l-vâkiʻ bu gibi şikâyâtın fennî tarzda tatbîk olunan terbiye-i bedeniye mümâreseleri ve spor ile yavaş yavaş geçdiği görülmekdedir. Bugün hemen her medenî memleketde terbiye-i beden nâmıyla ayrıca ders ve ihtisâslar mey- dâna çıkmışdır. Bunların pek nâmdâr ve mâhir üstâd ve mütehassısları [47] gün geçdikçe tezâyüd etmekdedir. Bu üstâdlar hemen bi'l-umûm mekâtib ve kolejlerin kadrolarına girerek esâslı ve feyzdâr bir program sâyesinde yeni yetişen nesli ıslâh ve tekâmüle mazhar kılmakdadırlar. Şekil 5 Gayr-ı muvâfık ayakda duruş: Göğüs düşük, baş eğilmiş, vücûdun ağırlığı topuklar üzerine çökerek ihtiyâr gibi görünür. Şekil 6 Muvâfık ayakda duruş vazʻiyeti: Arka ve ense kâimî vazʻiyetinde müstakîm bir şekil alarak çevik ve çâlâk bir genç manzarası vermekdedir.