HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 74 3725 Vücûdlarının temizliğine son derece ehemmiyet veriniz. Sinn-i bülûğa vâsıl olan çocuklarınıza hayât-ı tenâsüliyeyi bir lisân-ı münâsible ve fakat hakî- kat ifşâ etmek sûretiyle anlatınız. Aʻzâ-yı tenâsüliyenin vezâifini îzâh ediniz. Bu aʻzânın gayr-ı tabîʻî (anormal) bir hâlde tahrîkindeki (istimnâ bi'l-yed) tehlikeleri gösteriniz. Sağlam ve gürbüz çocuk yetiştirebilmek ve bu sûretle âilenin neşʼe ve saʻâdetini teʼmîn etmek için sıhhatlerine ve bilhâssa aʻzâ-yı tenâsüliyelerinin sıhhatine dikkat ü ihtimâm etmeği çocuklarınıza ihtâr ediniz. Genç Kızlara: Dostluk revâbıt ve münâsebâtında ihtiyâtkârâne hareket ediniz. İşinizi seviniz. Niyâz u nevâziş- leriyle sizi idlâle sâʻî genç ve ihtiyârlara şahsınızı ve sıhhatinizi satarak iş hâricinde para kazanmak hevesine kapılmayınız. Onların vaʻd ve nevâzişlerine mağlûb ve meclûb olacak derecede gösterece- ğiniz sâf-derûnluğu bilâhare istihkâr edecek yine onlar olacakdır. Size kur yapanların nikâhdan evvel vâkiʻ olacak iğfâlâtına karşı metânetinizi muhâfaza ediniz. Çünkü şeref ve haysiyet sâhibi bir adam kendine refîka-i hayât olmak üzere intihâb edeceği kadına nikâhın icrâsından evvel mâlik olmak istemeyecekdir. Pederlere: Çocuklarınız için bir âmir olmakdan ziyâde bir dost vazʻiyetinde kalınız. Emrâz-ı zühreviye tehlikelerine karşı kız ve erkek çocuklarınızı tenvîr etmek vecîbe-i basîretdir. Vermiş olduğunuz nasî- hatlere rağmen bu hastalığa dûçâr olacak evlâdınızı afv ediniz ve bir an evvel iʻâde-i sıhhat edebilme- si için her mümkünün icrâsına çalışınız. Fuhuş âlemlerine devâm etmemiş kimselerin dahi emrâz-ı zühreviyeye musâb olacağını biliniz. Vezâif-i zevciyeti unutmakla âilenizi en müdhiş tehlikelere maʻrûz bulunduracağınızı nazar-ı dikkatden kaçırmayınız. Hân ve hayâtınıza dâhil olacak hastalık sizi mâdâmü'l-hayât râhatsız [55] ve meʼyûs edecek, âile râbıtaları kırılacak ve bir sâʻatlik dalâlet, bir dakîkalık zevk ekseriyâ elem ü nedâmetle cezâsını bulacakdır. Bekârlara: Belsoğukluğunun tehlikeli bir hastalık olmadığına inanmak bir hatâdır. Belsoğukluğunun netâ- yic-i avâkıbı frengi kadar vahîm olabileceği fennen müsbet bir keyfiyetdir. Binâenaleyh kadınlarla vâkiʻ olacak münâsebâtınızda ihtiyâta riʻâyet edecek ve nâmûs ve ahlâ- kın vazʻ etdiği kavâʻidi ihlâl etmeyeceksiniz. Münâsebât-ı cinsiyeden imtinâʻın sıhhate muzır olduğu hakkında efvâh-ı nâsda dolaşan sözlere aslâ kıymet ve ehemmiyet vermeyiniz. İspirtonun taht-ı teʼsîrinde bulunduğunuz zamânlarda münâsebât-ı cinsiyeden tevakkî ediniz. Dost intihâbında müşkil-pesend olunuz. Arkadâşlarınızın size tatlı tatlı anlatacakları aşk hikâyeleri- nin hârikalarına inanmayınız. Bu bedbahtlar, kemâl-i tefâhürle nakletdikleri yalanlara bilâhare kendileri de inanacaklardır.