HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 74 3730 Ciddî Addedilecek Diğer Felâketler Kânûn-ı Sânî'de 1, Mart'da 1, Nisan'da 3, Mayıs'da 9, Haziran'da 5, Temmuz'da 6 = 25 Feyezânlar Kânûn-ı Sânî'de 2, Şubat'da 3, Mart'da 7, Nisan'da 8, Mayıs'da 11, Haziran'da 3, Temmuz'da 3 = 37. Yanardağ İndifâʻâtı Kânûn-ı Sânî'de 1, Şubat'da 1, Mart'da 2, Nisan'da 2 = 6 defa. *** Şu maʻlûmâta nazaran 1 Kânûn-ı Sânî'den 15 Temmuz'a kadar yani 196 gün zarfında âfât-ı umûmiyeye 136 gün isâbet etmiş oluyor. Bu muhtelif felâketler netîcesinde nüfûs zâyiʻâtı 6.371 ve mecrûh mikdârı 9.849'dur. Sâlifü'z-zikr mesâib-i umûmiyeden 4 şehir kâmilen mahv olmuş ve 66.845 hâne yıkılmışdır. 1927 senesinin ilk felâketi Kânûn-ı Sânî'nin birinci gününde Kaliforniya'da vukûʻ bulan ha- reket-i arzdır. Sonra 14 Şubat'da Bosna-Hersek'de ve 3 Mart'da Varpolata ve yine Şubat'da Japonya hareket-i arzdan müteessir olmuşdur. Filistin hareket-i arzı bu müddet zarfında vukûʻ bulanların so- nuncusudur. *** Feyezânlardan mütehassıl hasârât-ı mâddiye de pek mühimdir. Mississippi feyezânı 114 nüfûsun ziyâʻına ve 600.000 kişinin mesken ve esbâb-ı maʻîşetden mahrûmiyetine ve 300.000.000 dolarlık zâyiʻât-ı mâddiyeye sebeb olmuşdur. 8 ve 9 Temmuz'da Saksonya feyezânı dahi 160 kişinin vefâtıyla ve 80-90 milyon tahmîn edilen mâddî zâyiʻâtla netîcelenmişdir. HİLÂL-İ AHMER HAVÂDİSİ Üsküdar Harîkzedegânına Hilâl-i Ahmer'in Yardımı Şehremâneti'nde münʻakid Üsküdar Harîkzedegânı İʻâne Komisyonu'nun karârıyla komis- yon reîs-i sânîsi paşanın riyâsetinde Üsküdar Belediye Müdürü ve Üsküdar Hilâl-i Ahmer reîsi ve meʼmûrîn-i sâireden müteşekkil tâlî komisyon maʻrifetiyle âfetzedegânın ale'l-infirâd evrâk-ı tasar- rufiyesi tedkîk ve tevsîk edilerek muhterik yüz seksen hâne iskânının suver-i tasarrufiyesi [60] tesbît edilmiş ve herkes için husûsî sûretde tanzîm ve imzâ etdirilmiş olan zabıtlar komisyonca mütâlaʻa ve tedkîk edilmekde bulunmuşdur.