HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 74 3731 Harîk günü İstanbul Hilâl-i Ahmeri'nin derhâl yetiştirdiği çadırlara ikâme edilen âfetzedeler el- yevm Üsküdar'da bulunan tekâyâ ve zevâyâ odalarına yerleştirilerek kış günü çadırdan kurtarılmışdır. Musâb olan halka Hilâl-i Ahmer tarafından günde üç yüz ekmek tevzîʻâtına yirmi beş gün devâm edildiği gibi merkezden istiʻcâlen taleb edilen on bir balya yatak, yorgan ve iç çamaşırı muhtâcîne tevzîʻ edilmiş ve be-tekrâr merkez-i umûmîden elli kişilik levâzım taleb edilmişdir. Hilâl-i Ahmer'in bir vâlide şefkatiyle halkın imdâdına şitâbla tehvîn-i ıztırâbı Üsküdarlıların pek ziyâde bâdî-i şükrânı olmuşdur. Komisyon-ı âlîce âfetzedegâna mesken teʼmîn ve inşâsına sarf edilecek iʻânâtın doğrudan doğ- ruya İstanbul Hilâl-i Ahmer Veznesi'ne teslîmi usûl ittihâz ve iʻlân edilmiş ve o sûretle külle yevm vürûd etmekde bulunan iʻânât bi't-tesellüm berây-ı tenmiye İş Bankası'na tevdîʻ edilmekdedir. Ev- velce arz etdiğimiz üzere bu emr-i hayırda kâfile-sâlâr reîsicumhûrumuz Gâzî Paşa hazretleri olmuş ve ilk kalem olmak üzere beş bin lira teberruʻ buyurulmuşdur. Hilâl-i Ahmer Merkezi'mizin verdiği beş bin lira ile bir günde on bine bâliğ olan sermâye erbâb-ı hayr u himmetin irsâlâtıyla bugün 21.307 lirayı bulmuşdur. Umarız ki, ehl-i keremin lütuf ve himmeti böylece temâdî eder ve bîçâregânın meskenleri teʼmîn edilir. İstanbul merkezine iʻânât vürûd etdikçe gerek bizzât ve gerek evrâk-ı havâdisle iʻlân-ı teşekkürât edilmekdedir. _______________ Üsküdar Harîkzedeleri Komisyonu Üsküdar harîkzedegânına yardım için teşekkül eden komisyon şehrimizdeki müessesât ve ağ- niyâdan iki yüz kişi kadarına âtîde sûreti münderic birer mektûb göndermişdir: "-Muhterem Efendim! Son Üsküdar yangını ekseriyeti maʻîşet seviyesi iʻtibârıyla esâsen pek düşkün hâlde bulunan üç yüze yakın âileyi evsiz bırakarak vazʻiyetlerindeki müşkilâtı teşdîd etmişdir. Yüz elli felâketzedelere esâslı bir yardımda bulunmak maksad ve gâyesiyle teşekkül eden komisyonumuz şehrimizdeki zen- gin müesseselerin ve zâtların kerîm ve necîb hayırhâhlığına mürâcaʻat ederek toplanacak paraların küçük bir kısmını bütün eşyâsı yanarak perîşân hâlde kalan âilelere tevzîʻ etmek ve kısm-ı küllîsini evleri yananlara âdil bir nisbet üzerine taksîm ve aynı zamânda bu gibilere Şehremâneti'nin kefâletiy- le uzun vaʻdeli ve ucuz fâizli istikrâzlar akdini teshîl ederek muʻayyen bir tipde iki, üç ve dört odalı evler inşâ edebilmelerini teʼmîn eylemek azmindedir. Mübeccel reîsicumhûrumuz Gâzî başda olarak bazı müessesât-ı hayriye ve mâliye ile birkaç zâtın teberruʻâtı yekûnu yirmi bin liraya yaklaşmışdır. Ancak tasavvur olunan hayırlı işin husûl-i imkânı teberruʻât yekûnunun ekalli yetmiş-seksen bin lirayı bulmasına bağlıdır. Bu cihetle kıymetli yardımınızı bizden esirgemeyerek zavallı felâketzedelere zahîr olacağınıza kâniʻiz. Teberruʻ buyuru- lacak meblağın Cağaloğlu'nda Hilâl-i Ahmer Merkezi Veznesi'ne veya İş Bankası'nda mezkûr merkez nâmına açılan "Üsküdar [61] Harîkzedelerine Yardım" hesâbına tevdîʻ buyurulmasını ricâ ile hürmet- lerimizi teʼyîd ederim, efendim. Sıhhiye ve Muʻâvenet-i İctimâʻiye Vekîli Komisyon Reîsi Doktor Refik _______________