HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 74 3736 olup son zamânlarda kendisine değerli bir binâ mübâyaʻa etdiğini kemâl-i fahr ile kaydediyoruz. *** Adana Fırka Kumandanlığı'[n]a mensûb zâbitândan yüz onu cemʻiyetimize aʻzâ kaydolmuş- lardır. *** Cebel-i Bereket, Maraş vilâyetlerinde ve Silifke'de faʻâliyet şâyân-ı takdîr bir dereceye vâsıl olmuşdur. *** Antalya vilâyeti dahi bi'l-cümle nevâhîsini cemʻiyetimize iştirâke ehemmiyetle şürûʻ etmişdir. *** Pul sarfiyâtında vilâyât-ı sâireye numûne olacak bir mevkiʻi ihrâz eden Mersin'de teşkîlât için faʻâliyet henüz devâm etmekdedir. *** Burdur vilâyeti merkezine rabten kazâ ve nâhiye sekiz şuʻbenin teşkîlâtı hitâma ermek üzeredir. *** Isparta vilâyetinin muʻattal bir hâlde olan Uluborlu, Yalvaç, Karaağaç şuʻbeleri ihyâen teʼsîs olunmuşdur. Konya nevâhîsinden Zivarik, Sille şuʻbeleri faʻâliyete geçmiş, Kızılviran ve Mürsele- fendi şuʻbeleri ihyâen, Doğanhisar'da da müceddeden şuʻbe teessüs etmişdir. _______________ Hastabakıcılık Hilâl-i Ahmer'in Meccânî Kursları Cemʻiyetimizin Türk kadınlarının hayât-ı ictimâʻiyelerinde mühim bir inkılâb hâsıl edeceği yeni bir teşebbüsünü kârilerimize haber vermekle memnûnuz: Maʻlûmdur ki, Avrupa ve Amerika'da bütün millî Salîb-i Ahmer Cemʻiyetleri memleketleri sıh- hat-i umûmiyelerini hüsn-i muhâfaza ve milletlerine gürbüz, kuvvetli nesiller yetiştirmek için her kadını mutlakâ bilmesi lâzım gelen maʻlûmât ile techîz etmek için âdetâ birbiriyle müsâbaka eder derecede çalışmakdadır.