HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 74 3751 Avustralya Yeni Verem Hastahânesi Avustralya Salîb-i Ahmeri, Harb-i Umûmî'ye iştirâk etmiş müteverrim efrâdın ve sivillerin te- dâvîsine mahsûs yeni bir hastahâne mübâyaʻa etmişdir. Bu husûsî hastahânede birkaç seneden beri taht-ı tedâvîye alınan Harb-i Umûmî efrâdının masârıfını evvelce Salîb-i Ahmer derʻuhde etmiş idi. Gâyet havâdâr bir mevkiʻde kâin bulunan hastahânenin bir süthânesi, bir sebze bâğçesi, bir de kümes kısmı ve ayrıca radyo ve muhtelif eğlence mahalleri vardır. Hastahânenin müdîresi ile hastabakıcıların ikâmeti için her türlü konforu câmiʻ olmak üzere ayrıca bir binâ Salîb-i Ahmer tarafından satın alınarak müesseseye ilhâk edilmişdir. _______________ İtalya Sardinya Adasında Sıtma Mücâdelesi Malarya mücâdelesine fevkalâde ehemmiyet veren İtalya Salîb-i Ahmeri, ahîren Sardinya ada- sına bir heyʼet-i mahsûsa iʻzâm etmişdir. Heyʼet bir komiser, iki tabîb, bir sıhhiye meʼmûru ve dört hastabakıcıdan mürekkeb ve birçok malzeme-i sıhhiyeyi hâmildir. [76] Heyʼet aʻzâsının teftîşâtı ve malzemenin nakliyâtı otomobillerle icrâ olunmakdadır. *** Köy Muʻallimeleri İçin Husûsî Kurslar Hıfzıssıhhaya ve usûl-i tedrîsâta dâir köy muʻallimeleri için İtalya Salîb-i Ahmeri'nin delâlet ve iştirâkiyle husûsî kurslar açılmışdır. Bu kurslardan istihdâf olunan gâye köy muʻallimelerine umûmî hıfzıssıhhaya âid maʻlûmât-ı ameliyeyi vermekdir. Fi'l-hakîka köy mekteblerinin kâin bulunduğu münferid mahallerde ve emrâz ile cehâletin hük- münü icrâ etdiği kazâlarda tedrîsât-ı sıhhiyenin büyük bir fâide-i ameliye teʼmîn edeceği ümîd olun- makdadır. _______________ Filipin Adaları Kazâzede Bir Vapura Muʻâvenet 29 Mayıs'da zuhûr eden şiddetli bir fırtınadan Romblon adası civârında kazâzede olan Negro vapurunun yüzü mütecâviz yolcusundan ancak birkaçı tahlîs edilebilmiş idi. Manila Salîb-i Ahmer