HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 74 3752 Merkezi kazânın vukûʻunu müteʻâkib istîcâr etdiği bir vapurla kazâzedelerin çıkdığı sâhile hastaba- kıcı ve levâzım-ı gıdâiye sevk etmek sûretiyle muʻâvenetde bulunmuşdur. _______________ Kanada Muhâcir Mesʼelesi Kanada'ya vürûd eden muhâcir âile ve kâfilelerinin Sıhhiye-i Umûmiye İdâresi veyâhûd Salîb-i Ahmer hastabakıcıları ile teʼsîs-i münâsebât edebilmelerini teshîl maksadıyla sûret-i mahsûsada 13 lisân üzerine husûsî kartlar tabʻ etdirilmişdir. Çocukları hastalanan vâlidelerin bu kartlarda adresleri muharrer Salîb-i Ahmer aʻzâlarına mürâ- caʻatları tavsiye edilmekdedir. _______________ Fransa Amerika Lejyonerleri Eylül'ün 18'inden 22'sine kadar Paris'i ziyâret etmiş olan Amerika lejyonerleri için Fransız Salîb-i Ahmeri'nin tertîb etdiği "ilk imdâd" vezâifine muktezî malzeme-i sıhhiyeyi hükûmet vermiş ve Salîb-i Ahmer de şefkat hemşîrelerini göndermişdir. Bundan mâʻadâ, Fransız Salîb-i Ahmeri bu lejyonerler hizmetinde bulunmak üzere ayrıca bir tercümân heyʼeti teşkîl etmişdir. _______________ Avusturya Aʻzâ Kaydı Bir seneden az bir müddet zarfında Viyana ve Aşağı Avusturya Salîb-i Ahmer Merkezi yapdığı propaganda ile aʻzâ adedini 5.000'den 35.000'e iblâğ etmişdir. Müdür-i Mesʼûl: Arif Süleyman