HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3368 Avrupa'da Braille usûlüyle tertîb olunan âsâr hasbî olarak çalışan hayırhâh müstensihler tarafından yazılmakdadır. Birçok senelerden beri Fransa, İngiltere ve Almanya'da aʻmâlara mahsûs neşrolunan âsârın kısm-ı aʻzamı el ile kopya edilmekdedir. Londra Millî Kütübhânesi'nin teşkîl etdiği gönüllü müs- tensihler (copistes) şimdiye kadar bu kütübhânede mevcûd âsâ- rın üçde birini, 30.000'ini yazmışlardır. Aʻmâlara mahsûs bu usûl-i kırâat ve tahrîr Amerika'da mütâreke zamânlarında mazhar-ı terakkî ve inkişâf olmağa baş- lamışdır. Harb-i Umûmî'de birçok askerlerin nûr-ı [303] basardan mahrûm olduğu görülmesi üzerine Amerika Salîb-i Ahmer Aʻmâ- lar Hastahânesi gönüllü kopistler teşkîline teşebbüs etmişdir. Braille usûlü yazılan âsâra olan ihtiyâc gitdikçe tezâyüd etdiğinden Amerika Salîb-i Ahmeri bilâhare bu yeni vazîfenin mesʼûliyeti- ni tamâmen derʻuhde etmeğe karâr verdi. El-yevm bu mesâʻî için Washington'da Meclis-i Aʻyân Kütübhânesi'nin muʻâveneti de teʼmîn edilmiş olduğundan Cemâhîr-i Mütte- fika'nın bi'l-cümle aksâmında sâkin aʻmâlara kitâb iʻâre edilmekdedir. Bugün Amerika Salîb-i Ahmer aʻzâsı meyânında birçok kimseler gönüllü olarak bu istinsâh işleriyle meşgûl bulunuyor. Braille sisteminin her tarafda mütemâ- diyen intişâr etmesi üzerine müstensihlerin de mikdârı tedrîcen tezâyüd etmişdir. 127Amerika Salîb-i Ahmer şuʻbesinde 674 mütehassıs müstensih ve 500 heveskâr çalışmakdadır. Amerika Salîb-i Ahmeri hurûfâtı, Braille usûlü yazıya tahvîl etmeği tedrîs için on derslik bir kurs tertîb etmişdir. Tedrîsât ekseriyâ bir mekteb muʻallimi tarafından yapılmaktadır. Tedrîsâtın muhâbere ve mükâtebe ile icrâsı da mümkündür. Kurslar, elli sahîfelik bir el yazısının Braille usûlüne nakil ve tahvîli imtihânıyla hitâm bulur. 1924-1925 senesi zarfında Amerika Salîb-i Ahmeri gönüllüleri vâsıtasıyla yekûnu 115.793 sahîfe teşkîl eden 867 eser Braille usûlüne nakledilmişdir. Mütâlaʻa ile meşgûl aʻmâ bir asker Soldat aveugle lisant El vâsıtasıyla kırâat La lecture par les mains