HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3782 Bu mevâddan istihsâl edilecek hamur ince ekmek dilimleri üzerine hafîf bir tabaka hâlinde sürülecekdir. Ancak bu hamurun kümes hayvânâtı için tehlike teşkîl etdiğine nazar-ı dikkati celb ederiz. Diğer bir terkîb: 8 gram fosfor 180 gram çavdar unu 180 gram ılık su 180 gram erimiş yağ 180 gram şeker Diğer bir terkîb: 24 gram un 3 gram fosfor 173 gram su Bunlardan mâʻadâ fosforlu hamurlar gibi fenâ koku neşretmeyen ve hayvânât-ı sâireden kâ- zımâta müessir olan phosphure de zinc'le ihzâr olunan hamurlar da vardır. Paris Eczâcı Mektebi tarafından ihzâr olunan bir formül de şudur: 1.000 gram don yağı 1.000 gram un 100 gram gâyet ince toz hâlinde arsenik 10 gram is 1 gram anason rûhu Sâlifü'z-zikr hamurlardan birçoğunun en büyük mahzûru fârelere olduğu kadar kümes hay- vânâtına ve hattâ bizzât insâna da zehir olmasıdır. Diğer bir mahzûr dahi hamur ilk defa atıldığı zamân zehri yememiş veya yiyememiş olan fâre- lerde şübhe ve emniyetsizlik tevlîd etdiği için ikinci defa aynı tarzda fâreleri aldatmak kâbil olamıyor. Fâreleri buğday çuvallarından uzaklaştırmak için çuvalların binde on nisbetinde kireç şerbeti ile badana edilmesi tavsiye olunmakdadır. Birkaç sene evvel fâre zehiri hulâsalarında ada soğanı (scille) istiʻmâli düşünülmüş idi. Ada soğanında scillitine nâmı verilen glucosid fâreler için şiddetli bir sem olduğu hâlde hay- vânât-ı ehliye ile insânlara pek az müessirdir. Pasteur Müessesesi'nin ihzâr etdiği bu zehir otoklavda 120 derecede taʻkîm edilmiş şişelere alınır. Beş-altı gramlık yeme bu zehirden bir santimetre mikʻabı kâfi gelmekde ve fazlası yemi acı- landırarak fâre celb edememekdedir. Yem için intihâb olunacak mâdde ya şekerli süt veyâhûd yağlı et suyu olmalıdır.