HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3783 Üç-dört gün sonra teʼsîrini gâib eden bu Pasteur zehir hulâsası dâimâ tâze olarak kullanılmalı- dır. Bu mahzûra çâre olmak üzere bilâhare scillitine yerine ada soğanı tozu istiʻmâline başlanmışdır ki, terkîbi şudur: 5 gram ada soğanı tozu 20 gram un 20 gram rezene tozu (poudre de fenouille) 1 gram anason rûhu [99] Ada soğanı tozu ile kıyılmış et aynı nisbetde karıştırılarak tahmînen beşer gramlık yapıla- cak yuvarlaklar da aynı teʼsîri yapar. Vapurlarda vâsiʻ mikyâsda yapılan itlâf-ı fârın bahsimize taʻalluku olmadığı için burada zikrin- den sarf-ı nazar edilmişdir. Verdiğimiz şu îzâhâtdan fârelerin itlâf ve imhâları için mürâcaʻat edilen vesâitin tatbîkât ve faʻâliyâtda pek müessir olmadığını anlıyoruz. Bu hâlde yapılacak şey fârelerin çoğaldığı mahallerde sofra artık ve kırıntılarını ve meʼkûlâta âid şeyleri meydânda bırakmayarak bu muzır hayvânları açlığa mahkûm etdikden ve bu sûretle te- kessür ve tenâsüllerine mâniʻ oldukdan sonra maʻlûm olan vesâit-i imhâiyeye mürâcaʻat edildiği takdîrde mücâdelede dâimâ iyi netîce elde edilmiş olur. Mekteb, kışla vesâir bu gibi bir hayât-ı müşterek yaşayan yerlerde ise yemek bakâyâsı ya bir çukura dökülerek üzeri toprakla örtülmeli veyâhûd çukurun ağzı sık örgülü kafesli tel ile setr edilme- lidir. Bazı memleketlerde bu bakâyâyı domuzlara semizlenmek için verirler. (Mâbaʻdi var.) ROMANYA HASTABAKICI MÜESSESÂTI VE HASTABAKICI MEKTEBLERİ KÂNÛNU Romanya Hükûmeti'nin hastabakıcılık mesleği hakkında ahîren neşretdiği kânûnu aşağıya derc ediyoruz: Birinci Mâdde- Prenses Helen'in nâmına izâfetle müesses bulunan Hastabakıcı Mekteb-i Âlîsi işbu kânûnun târîh-i neşrinden iʻtibâren bir müessese-i resmiye olarak tanınmışdır. Mektebin ismi Prenses Helen olup Hıfzıssıhha ve Sıhhiye-i Umûmiye Enstitüsü'ne mülhakdır. İkinci Mâdde- Mektebin müddet-i tedrîsiyesi nazarî ve amelî olmak üzere üç senedir. Bu müd- det tenzîl edilemez. Talebenin şerâit-i kabûlü ve tedrîsât programı bir nizâmnâme ile taʻyîn ve tesbît edilecekdir. Üçüncü Mâdde- Hastabakıcılar iki sınıfa münkasemdir. Birinci sınıf, ziyâretçi hastabakıcılar olup dispanserlerde, müessesât-ı sıhhiyede, hıfzıssıhha merkezlerinde, kurâ ve kasabât taksîmât-ı sıhhiyesinde vazîfe almakla mükellef olan hastabakıcılardır. İkinci sınıf, hastahânelerde ve sanatoryumlarda hasta tedâvîsine meʼmûr olan hastabakıcılardır. Bunlar müessesât-ı husûsiyedeki şerâit dâhilinde millî ve mahallî belediye hastahânelerinde çalışan- lardır.