HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3784 Dördüncü Mâdde- Hastabakıcılar nihâî imtihânı verdikden sonra Sıhhiye-i Umûmiye Vekâ- leti'nden iʻtâ edilecek bir şehâdetnâme ile işbu kânûn ve nizâmnâme-i mahsûs ahkâmına tevfîkan icrâ-yı sanʻata meʼzûn olacaklardır. Beşinci Mâdde- Şehâdetnâmeli her hastabakıcı millî bir hastahânede veya belediye ve mahallî hastahânelerinden birinde veyâhûd resmen tanınmış müessesât-ı hayriyede bâ-mukâvele beş sene müddetle îfâ-yı hizmete mecbûrdur. Altıncı Mâdde- Hastabakıcılar sâir meʼmûrîn-i devletin hâiz olduğu bi'l-cümle hukûk ve im- tiyâzâtdan müstefîd olacak ve aynı vezâifle mükellef bulunacaklardır. Hastabakıcı grup teşkîlâtı, vezâifi ve hastabakıcıların terfîh ve terakkîleri bir nizâmnâme ile taʻyîn edilecekdir. Yedinci Mâdde- Şehâdetnâmeli her hastabakıcı resmî gruba dâhil olacak ve ber-vech-i zîr sınıf ve zümrelere ayrılacakdır: [100] a) İkinci sınıfa dâhil hastabakıcı vekîlleri b) 2, 3, 4 ve 5'inci sınıflara dâhil olan 1, 2 ve 3'üncü zümre dâimî hastabakıcılar c) 6, 7 ve 8'inci sınıflara dâhil olan 1, 2 ve üçüncü zümre başhastabakıcılar Sekizinci Mâdde- Hastabakıcıların maʻâşları mensûb oldukları sınıf ve zümreye göre Sıhhiye-i Umûmiye Vekâleti büdcesinde taʻyîn ve tesbît e[di]lecekdir. Dokuzuncu Mâdde- El-yevm mevcûd olan ziyâretçi hastabakıcılarla, hastahâne hastabakıcıları ve şehâdetnâmeli ebeler işbu kânûnun neşir ve iʻlânı târîhinden iʻtibâren nihâyet iki sene zarfında bir imtihân geçirdikden sonra resmî hastabakıcı grubuna dâhil olabileceklerdir. Onuncu Mâdde- Mevcûd husûsî hastabakıcı mektebleriyle işbu kânûnun neşir ve iʻlânından sonra açılacak mektebler Sıhhiye-i Umûmiye Vekâleti'ne bi'l-mürâcaʻa mevcûdiyetlerini resmen tas- dîk etdirmeğe ve resmî ders programlarını kabûle mecbûrdurlar. On Birinci Mâdde- Şehâdetnâme istihsâl etmeksizin kadın ve erkek hiçbir kimse masör, hasta- bakıcı, cerrâh yardımcısı ve ebelik sanʻatını icrâ edemez. On İkinci Mâdde- İşbu kânûnla taʻâruz eden sâir bi'l-cümle ahkâm-ı mevcûde mefsûhdur. FRANSA'DA HASTABAKICI TEŞKÎLÂTI Mecrûhîn-i Askeriyeye Muʻâvenet Cemʻiyeti nâmını taşıyan Fransa Salîb-i Ahmeri'nin başlıca faʻâliyetlerinden biri de hastabakıcı teşkîlâtıdır. 1926 senesinde cemʻiyet, 400 hastabakıcı muʻâvini ve 563 hastabakıcılığa ehliyet şehâdetnâ- meleri vermiş ve bir ay hastahânede, beş ay bir mekteb dispanserinde tahsîl ve tatbîkât görenlere 1.083 şehâdetnâme ve bir sene amelî ve nazarî tedrîsâtı ikmâl edenlere dahi 58 âlî şehâdetnâme tevzîʻ etmişdir. Paris'de Des Peupliers Mekteb Hastahânesi'nde ikmâl-i tahsîl eden 65 hemşîreye âdî diploma verilmiş ve iki senelik müddet-i tahsîliyesini bitiren diğer dört hastabakıcı da devlet diploması almış- lardır. Kezâ Paris'de Espérance Mekteb Dispanseri'nden 1926 senesinde 60 genç kız âdî diplomaya kesb-i liyâkat eylemişdir. Ayrıca departmanlarda teʼsîs edilmiş olan mekteb dispanserlerinin yetiştirdiği hastabakıcılar- dan idâre-i sıhhiye müstefîd olmakdadır. 1916 senesinde açılan hastabakıcılar yurdu berây-ı tahsîl Paris'e gelen hastabakıcıları, Veremle Mücâdele ve Himâye-i Etfâl Cemʻiyetlerinin ziyâretçi hastabakıcılarını ibâte etmekdedir. Bu yurda 1926 senesinde 295 hastabakıcı misâfir edilmişdir.