HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3785 Fransız Salîb-i Ahmer Cemʻiyeti 130 tabâbet-i umûmiye dispanserlerine, 53 verem mücâdele dispanser ve verem muʻâyene merkezlerine, Calais'de bir verem hastahânesine, 4 büyük sanatoryu- ma (Bu sanatoryumlarda 1926 senesinde 128.725 ayak tedâvîsi kaydedilmişdir.) ve Paris, Nantes, Brest'de birer havâ tedâvîhânelerine mâlikdir. İşbu müessesâtda geçen sene zarfında taht-ı tedâvîye alınan hastaların mikdârı 1.500.000'dur. Cemʻiyet, himâye-i etfâle fevkalâde ehemmiyet verdiğinden yeni doğan çocuklara mahsûs 130 muʻâyene merkezi, 36 Süt Damlası, 10 kreş ve çocuk bakım yurdu, 31 doğumevi ile vazʻ-ı hamlden evvel muʻâyene merkezi [101] teʼsîs ve 13 departmanda taʻtîl kolonileri teşkîl etmişdir. Paris'de biraz evvel ismi geçen Des Peupliers Mekteb Dispanseri'nin tabâbet-i umûmiye dis- panserinde 11.761, verem dispanserinde 5.336 ve hastahânede 378 hasta tedâvî edilmiş ve hastabakı- cıla rın mesken ziyâretleri 2.630'[a] bâliğ olmuşdur. HİLÂL-İ AHMER HAVÂDİSİ Cumhûriyet Bayramını Tebrik Cumhûriyet-i mübeccelemizin yıldönümü münâsebetiyle İstanbul merkezinden Reîsicumhûr Gâzî Mustafa Kemal hazretlerine keşîde edilen ve Gâzî-i müşârunileyh hazretlerinden gelen telgraf- nâmelerin sûretleridir: "-Ankara, Mübeccel Reîsicumhûr Gâzî Mustafa Kemal hazretlerine, Türk milletine yeni ve mesʻûd bir hayâtın başlangıcını tebşîr eden azîz Cumhûriyet'imizin yıl- dönümünde onu bize bahş ve teʼmîn eden büyük müncîyi şükrân ve minnetle anar ve ona en derin taʻzîmlerimizi arz u takdîm ederiz. İstanbul Hilâl-i Ahmer Reîsi Ali " *** "-İstanbul Hilâl-i Ahmeri'ne, Cumhûriyet Bayramı'nın yıldönümü münâsebetiyle vukûʻ bulan tebrîkâta teşekkür ederim. 1.11.[19]27 Reîsicumhûr Gâzî M. Kemal " İzmir 9 Eylül Sergisi'nde Hilâl-i Ahmer İmtiyâzı cemʻiyetimizce alınarak işletilmekde olan Alaşehir, Sarıkız ve Karahisar maʻden su- larıyla İstanbul merkezi himâyesinde bulunan Hilâl-i Ahmer Sanʻatevi maʻmûlâtından olan zarîf ve kıymetli el işleri İzmir Dokuz Eylül Sergisi'nde teşhîr edilerek suların havâss-ı şifâiyesi ve maʻmûlâtın nefâsetiyle zarâfet-i teşhîri sergi heyʼetince fevkalâde mazhar-ı takdîr olmuş ve her birine ayrı ayrı altın madalya iʻtâsına karâr verilmişdir. _______________