HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3787 Hilâl-i Ahmer hakkındaki beyânâtlarından mülhem olarak aʻzâsının teksîri ve vâridâtının tezyîdi husûsunda saʻy ü ikdâmla 1 Kânûn-ı Sânî 1927 târîhinden 31 Teşrîn-i Evvel 1927 târîhine kadar yal- nız kazâ merkez şuʻbesi tarafından 1.497.014 kuruş 25 santim ve kazâ şuʻbesine merbût Taksim, Şişli, Galata nâhiye şuʻbelerinden de 146.324 kuruş ki, min haysü'l-mecmûʻ 1.693.337 kuruş 25 santim vâridât cemʻ ve teʼmîn eylemiş olmağla şâyân-ı takdîr ve imtisâl olan mesâʻî-i vâkıʻalarından dolayı heyʼet-i mezkûreyi tebrik etmeyi bir vazîfe-i kadir-şinâsî addederiz. [103] Hilâl-i Ahmer Balosu Hilâl-i Ahmer Beyoğlu kazâsı şuʻbesi tarafından her sene verilmekde olan balo Kânûn-ı Sânî'nin on ikinci Perşembe günü akşâmı verilecekdir. Geçen sene pek ziyâde takdîr edilen Hilâl-i Ahmer balosunun mükemmeliyetini bir kat daha teʼmîn için şimdiden istihzârâtda bulunulmakdadır. _______________ İʻtizâr.- Merkez ve şuʻbelerimiz tarafından gönderilen resimlerin Mecmûʻa ya dercinde sıra taʻkîb etdi- ğimiz için bazılarının neşri teehhur ediyor. Bi'z-zarûre vukûʻa gelen bu teehhurdan dolayı alâkadâr müesseselere arz-ı maʻzeret ederiz. _______________ Meşkûr Faʻâliyetler Her husûsda Hilâl-i Ahmer için bezl-i himmet ve faʻâliyet eden Çatalca şuʻbemiz reîsi Osman Efendi'nin iki sene zarfında cemʻiyetimize 2.901 aʻzâ kaydına muvaffakiyeti bi'l-vücûh bâdî-i fahr u minnetdir. Gerek Osman Efendi'ye ve gerek hayırkârân-ı kazâya şükrânlarımızı takdîm ederiz. _______________ Gıdâya Muhtâc Talebe Bu sene mekteblerde Hilâl-i Ahmer'in yardımından istifâde eden gıdâsız talebe mikdârı 3.000'den fazladır. Beşiktaş mıntıkasındaki fakîr çocuklara sıcak yemek, diğer mıntıkalarda ekmek ve peynir tevzîʻ edilmekdedir. _______________ Kadıköy Hasanpaşa Dispanseri Kadıköyü'nde Hasanpaşa Karyesi Hilâl-i Ahmer Dispanseri'nin Mayıs, Haziran ve Temmuz 1927 aylarına âid üç aylık istatistikdir: