HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3789 30 Ağustos [1]927 târîhine musâdif Salı günü Taşköprü merkezinde zuhûr eden yangın 600 hâne, 350 dükkân ve mağazanın ve bu meyânda hükûmet konağıyla Kız Mektebi, Zirâʻat Bankası gibi emâkin-i resmiyenin kâmilen muhterik olmasına sebebiyet vermişdir. Yangından masûn kalan iki yüze karîb hâne ile İlk Erkek Mektebi, Kastamonu'dan gönderilen motopombların yardımıyla kurtarı- labilmişdir. Yangın o derece sürʻat ve şiddetle müteʻaddid kollara ayrılmışdır ki, yanan hâne ve dük- kânlardan eşyâ kurtarmak hemen hemen mümkün olamamışdır. Vâkiʻ mürâcaʻat ve teşebbüsâtımız üzerine merkez-i umûmîmiz her felâketzedeye olduğu gibi Taşköprü harîkzedegânına da yardımdan geri durmamış ve Osmanlı Bankası vâsıtasıyla irsâl eylediği beş bin lira ile harîkzedegânın yiyecek, içecek ve giyeceklerinin teʼmînine gayret edilmesi emredilmişdir. Yangını müteʻâkib günler Kasta- monu'dan her gün kamyonlarla ekmek sevk edilmiş ise de müteʻâkiben vazʻiyet bir dereceye kadar tavazzuh ederek kasabadaki fırınların hâl-i faʻâliyete gelmesi yapılacak muʻâvenetin nakden îfâsının daha muvâfık olacağı hissini vermiş ve bir müddetden beri erbâb-ı ihtiyâca yevmiye yedi buçuk kuruş tevzîʻ edilmesi komisyon-ı mahsûsunca takarrür etdirilmişdir. [105] Kastamonu vilâyetinde Taşköprü harîkzedegânından bir grup Groupe des sinistrés de ʼincendie de Tach-Keupru, vilayet de Kastamouni Teşekkür İntişârımızın yedinci yıldönümünü samîmiyetle tebrîk eden Sarıkamış'da münteşir Varlık refi- kimize teşekkür ederiz. _______________ Samsun'da Hilâl-i Ahmer Balosu Teşrîn-i Evvel'in yirminci Perşembe akşâmı Samsun'da Reji Fabrikası'nda Hilâl-i Ahmer men- faʻatine bir balo verilmişdir. Medʻuvvîn hemen umûmî baloya iştirâk etmişlerdir.