HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3790 Balonun tertîb ve ihzârında Fırka Kumandanı Mümtaz, Rüsûmât Başmüdürü Mehmed Ali, İş Bankası Müdürü Raif, Üss-i Bahrî Kumandanı Şükrü Beylerin refîka-i muhteremeleri hanımefendiler şâyân-ı tebrik ve takdîr muʻâvenetde bulunmuşlardır. Balo mahallinin tefrîş ve tenvîrât-ı elektrikiyesinin teʼmîninde Reji Fabrikası Müdürü Mösyö Kokof'un hizmetleri de şâyân-ı takdîrdir. _______________ Hilâl-i Ahmer Karahisar Maʻden Suyu Sû-i hazm, miʻde, karaciğer, kum ve böbrek hastalıkları için yegâne tavsiye edilecek maʻden suyudur. Her gün tâzesi gelmekdedir. Hâsılâtı Hilâl-i Ahmer'e âiddir. Mütehassıs doktor tarafından mahallinde imlâ etdirilmekdedir. Deposu: Sirkeci'de, Nur Hânı'nda, Numara 3 Telefon: İstanbul 62 [106] Konya Hilâl-i Ahmer Merkezi tarafından mübâyaʻa olunan İstasyon Câddesi'ndeki binânın ön cebhesinden görünüşü Nouvel édifice du Croissant-Rouge du vilayet de Conia (vu de face) Hilâl-i Ahmer'i Unutma! En müşkil zamânlarda yaranı saran, hastalığına bakan ve açlık zamânında seni bir sıcak çay veyâhûd çorba ile doyurmaya çalışan, esâret zamânında mektûblarını ve emânetlerini nakleden ve sana mümkün olan muʻâveneti yapan, ihtiyâc vaktinde seni giydirip hayâtını hıfz eyleyen, en elîm zamânlarında senin imdâdına koşan, düşünen Hilâl-i Ahmer'i unutma! Onu sev ve sevdir, ona zahîr ol. Çünkü Hilâl-i Ahmer senin ve hepimizindir! _______________