HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3808 Washington Telefon İdâre-i Merkeziyesi'nin Salîb-i Ahmer Merkez-i Umûmîsi'ne yapdığı ten- zîlât yüzde 33,5'dur. *** Câddelerdeki Kazâlar Amerika Turuk ve Maʻâbir İnşâât Cemʻiyeti'nin neşretdiği istatistiklere nazaran 1922 sene- si Kânûn-ı Sânî'sinin birinci gününden 1927 senesi Kânûn-ı Sânî'sinin ilk gününe kadar Cemâhîr-i Müttehide-i Amerika Hükûmeti yol ve câddelerinde vukûʻa gelen kazâlardan 3.000.000 kişi mecrûh olmuş ve 100.000 kişi vefât etmişdir. Vefât edenlerden 20.000'in ekserîsi 13 yaşından aşağı mekteb çocuklarıdır. *** Tahlîsiye Kursları New York Salîb-i Ahmer Merkezi'nin açdığı tahlîsiye kurslarına devâm eden 989 kadın ile 2.640 erkek 1926 senesinde şehâdetnâme ahzına muvaffak olmuşlardır. Dört sene evvel teʼsîs edilen Salîb-i Ahmer Yüzme Mektebi tedrîsâtı birçok mâhir yüzgeçlerin hasbî muʻâvenetleriyle Kânûn-ı Sânî'den Mayıs'a kadar devâm eder. Kurslarda kadın ve erkek için yekdiğerinden ayrı olmak üzere haftada iki gün birer sâʻat naza- riyâta ve birer sâʻat tatbîkât-ı ameliyeye tahsîs edilmişdir. New York Salîb-i Ahmer Merkezi her polis nâmzedine tahlîsiye usûllerini taʻlîm etmekde olup ahîren polis mesleğine yeni intisâb eden 2.800 polis bu sûretle yetiştirilmişdir. Diğer cihetden birçok müstakil teşekküller de Salîb-i Ahmer tahlîsiye usûllerini kabûl etmişler- dir. Neşrolunan istatistikler 1925 senesi Teşrîn-i Evvel'inden 1926 Teşrîn-i Evvel'ine kadar New York tahlîsiyesinde yüzde yüz bir tezâyüd kaydetmişdir. Macaristan Vâlidenin ve Çocuğun Himâyesi 1916 senesinde teşekkül ederek Macar Hükûmetince menâfiʻ-i umûmiyeye hâdim cemʻiyetler- den olduğu tasdîk olunan Lʼassociatoin Stéfania nâm cemʻiyetin vâlide ve çocuğun himâyesi gâyesini taʻkîb eden faʻâliyetini aşağıya derc ediyoruz: 1-Kadınların loğusalığında ve çocuklarını emzirdikleri müddet zarfında cismânî ve mâddî hâl ve vazʻiyetlerine ihtimâm etmek 2-Vazʻ-ı haml esnâsında her kadına muʻâvenet-i lâzımede bulunmak 3-Çocuğunu bizzât emzirmeğe vâlideyi teşvîk etmek 4-Halka çocuk bakım usûllerini ve vâlidelere çocuk hıfz-ı sıhhasını öğretmek 5-Vâlide ve çocuğun himâyesi için kuvvetli ve kesîf bir propaganda yapmak Cemʻiyetin bir müdür tarafından idâre edilen üç şuʻbesi vardır.