HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3809 [119] Mesâil-i tıbbiye, Budapeşte Dârülfünûnu müderrislerinden bir zâtın riyâset etdiği etıbbâ- dan müteşekkil bir komiteye mevdûʻdur. Sâlifü'z-zikr şuʻbelerden birincisi: Hâmil kadınlara mahsûs muʻâyene merkezlerinin, doğumevlerinin, vâlidelere mahsûs yurdların ve meccânî kadın muʻâyenehânelerinin idâresiyle; İkincisi: Yeni doğan çocuklara mahsûs hastahâneler, kreşler, Süt Damlaları ve muʻâvenet merkezleri vesâir bu gibi sırf himâye-i etfâl ile, Üçüncüsü: Propaganda teşkîlâtı, kütübhâneler, müzeler ve kurslarla iştigâl etmekdedirler. Merkez kaleminin faʻâliyetleri arasında: 1-İdârî işler 2-Hastabakıcılar idâre-i merkeziyesi yani tescîl, muʻâvenet-i nakdiye, mesâil-i hukûkiye ve millî hastabakıcı teşkîlâtı 3-Doğumevinden çıkdığı zamân melceʼsiz kalan vâlide ve yeni doğan çocuklara mahsûs 25 yataklık dârülaceze 4-Numûne dispanseri ve çocuk matbahı 5-Orania Süt Damlası 6-Hastabakıcı kursları 7-Merkez laboratuvarı 8-Vâlide ve çocuğun himâyesini gösterir bir müze Stéfania Cemʻiyeti 1925 senesi sonunda 178 tabîb ile 367 hastabakıcının meʼmûr olduğu 91 müesseseye, 96 muʻâvenet merkezine, 10 çocuk matbahına, 3 süt tevzîʻ mahalline, 2 hastahâne, 4 çocuk ve 1 vâlide melceʼlerine mâlik bulunmakda idi. Bu müesseseler ayrıca gebeliğin beşinci ve altıncı ayından vazʻ-ı hamle kadar geçecek müddet zarfında kadının ahvâl-i sıhhiyesiyle de meşgûldür. _______________ Danimarka 1925-1926 İcrâât Raporu 18 Mayıs'da Danimarka Salîb-i Ahmer Meclis-i Umûmîsi'ne takdîm olunan raporda aʻzâ mik- dârı 40.000, şuʻbe adedi 38 ve kadınlar şuʻbesi 28 gösterilmişdir. Danimarka Samariten Teşkîlâtı 538 aʻzâsı olan 14 sıhhiye kolonilerine ve aʻzâsı 1.750'ye bâliğ bulunan 32 ilk imdâd mevkiʻine mâlikdir. Danimarka'nın menâtık-ı muhtelifesinde 32 tahlîsiye merkezinin teʼsîsi senenin başlıca faʻâli- yetinden addedilmekdedir. Otomobil kazâlarının kesretle vukûʻ bulduğu muhtelif câddelerle ormanlara ilk imdâd sandıkla-