HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3374 bir makâm ihdâs etmek îcâb edeceğini ve bunun da umûmî bir konferansdan ibâret olduğunu ve bir defa bu konferans inʻikâd edince teşkîlât-ı idâriye vesâirenin kendi kendine vücûda geleceğini ifâde etdi. Baʻdehû delegeler komisyonunda çalışılmak üzere celse-i umûmiyeye nihâyet verildi. Aynı günde müteʻâkiben ictimâʻ eden cemʻiyât delegeleri komisyonunda Alman ve ona mülâ- yim olan Belçika teklîfleri mevzûʻ-ı münâkaşa oldu. Bu teklîfler ekseriyete iktirân etmemesi üzerine reîsin talebi vechile Prens Charles ile berâber sekiz Salîb-i Ahmer Cemʻiyeti rüesâsı tarafından bâla- da arz olunan husûsî ictimâʻda ortaya konulmuş olan prensiplerin müzâkeresine ge[çi]ldi. Bunların müzâkeresi sırasında Hilâl-i Ahmer Cemʻiyeti'nin nokta-i nazarını ve kuyûd-ı ihtirâziyesini zabta geçirtmek maksadıyla millî cemʻiyetlerin ekseriyet-i azîmesi tarafından bir Salîb-i Ahmer Beynelmi- lel İttihâdı ihdâs edilmek arzu edildiği takdîrde Türk Hilâl-i Ahmeri'nin böyle bir ittihâd teşkîli pro- jesine karşı esâs iʻtibârıyla tasvîbkâr olacağını ve maʻa-hâzâ işbu tasvîbin Beynelmilel Salîb-i Ahmer Komitesi'nin bi'l-umûm vezâif-i müteʻâmilesiyle berâber bugüne kadar kendi aʻzâsını müstakillen intihâb husûsunda müstefîd olduğu tarz-ı teşekkülün muhâfazası şart-ı sarîhine muʻallak olduğunu ve binâenaleyh mârru'z-zikr komitenin ale'l-husûs hâl-i harbde îfâ etdiği vezâifin temdidini îcâb veya bî-taraflığının yegâne damânını teşkîl eden "cooptation" usûl-i intihâbiyesinin serbestî-i cereyânını işkâl edebilecek herhangi bir taʻdîl vücûda getirilmesi Hilâl-i Ahmer'e serbestî-i hareketini tamâmıyla bahşedeceğini beyân [310] eyledik. Belçika murahhası dahi Comité Internationalee'in şekl-i hâzırının ve usûl-i intihâbiyesinin tamâmî-i muhâfazasında ısrâr etdi. Netîcede bir tarafdan bir karâr ittihâz etmemek husûsunda Almanya ve Belçika heyʼet murahhasları tarafından dermeyân olunan teklîfleri ve diğer tarafdan Prens Charles'ın projesi üzerinde cereyân eden müzâkerâtı nazar-ı iʻtibâra alarak mevzûʻ-ı müzâkereyi tevhîd edecek bir proje tanzîmi için aʻzâdan altı zâtdan mürekkeb bir tahrîr heyʼeti intihâb olunarak ictimâʻa nihâyet verildi. 17 Teşrîn-i Sânî târîhinde baʻde'z-zuhr vâkiʻ olan delegeler komisyonu ictimâʻında heyʼet-i tahrîriyenin tanzîm etmiş olduğu proje üzerinde müzâkere cereyân etdi. Bu proje mûcebince üç aded karâr ittihâzı teklîf olunmakda idi. Bunlardan birincisinde 1919 senesinde ligin teşekkülü zamânında bu müessesenin Comité Internationalee ile ittifâk-ı tâm dâiresinde teşrîk-i mesâʻî ederek bu komitenin harb zamânına âid faʻâliyetine kendisinin sulh zamânına âid faʻâliyeti zammedeceği ve bu iştirâk-i mesâʻînin devâm-ı faʻâliyeti âlem için elzem bulunan Comité Internationale ile bir ittihâd husûle gelmesini de intâc edebileceği, ligin nizâmnâmesinin birinci mâddesinin üçüncü fıkrasında muharrer olduğuna binâen Salîb-i Ahmer ittihâdına esâs teşkîl edebilecek olan nukât-ı âtiyenin işbu konferans- da hâzır bulunmayan cemʻiyât tarafından nazar-ı tedkîk ve iʻtibâra alınması tavsiye olunmakdadır: 1-Salîb-i Ahmer Cemʻiyetleri Beynelmilel İttihâdı, tanınmış olan kâffe-i cemʻiyât-ı milliyeye açıkdır. Merkezi İsviçre'dedir. 2-Beynelmilel konferans ittihâdın en büyük makâmıdır. Mukannen zamânlarda inʻikâd eder. Aʻzâsı ez-cümle cemʻiyât-ı milliye ile Cenevre Mukâvelenâmesi'ne vâzıʻu'l-imzâ devletlerin murah- haslarıdır. 3-Her beynelmilel konferans tarafından intihâb edilecek olan bir meclis bu konferansın mu- karrerâtını icrâ ve diğer konferansa kadar onun çizdiği hudûd dâiresinde onun salâhiyâtını istiʻmâl eder; diğer konferansın ictimâʻını teʼmîn eder. Harb zamânında meclisdeki muhârib devletler aʻzâsı makâmlarını terk ederler. 4-İttihâdın faʻâliyeti: a) Bir tarafdan İsviçre vatandâşları içinde kendi kendilerini intihâb (cooptation) sûretiyle te-