HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3375 şekkül ederek istiklâl-i tâm dâiresinde gerek Cenevre ve Lahey Mukâvelenâmelerinde mezkûr olan ve gerek Salîb-i Ahmer beynelmilel konferansaları tarafından kendisine tevcîh edilecek olan mesâʻî-i insâniyet-perverâneyi icrâya devâm edecek olan Salîb-i Ahmer Comité Internationalee'i, b) Ve diğer tarafdan hidemât-ı insâniyet-perverânesine devâm edecek olan Salîb-i Ahmer Cemʻiyetleri ligi tarafından icrâ olunur. Her iki komite bizzât intihâb edecekleri aʻzâları vâsıtasıyla kendilerini meclisde temsîl ederler. c) İttihâd, cemʻiyet-i milliyeyi kendi muvâfakatı olmaksızın hiçbir sûretle bağlayamaz. İkinci karârda ise şöyle denilmekdedir: Bu defa hâzır bulunmayan millî cemʻiyetler bâlâda münderic nukâta iştirâk etdikleri takdîrde husûsî konferans kendilerine nukât-ı âtiyeyi tavsiye eder: a) Mutasavver ittihâdın teşekkülünde teehhurât vukûʻuna mâniʻ olmak üzere mümkün olduğu takdîrde az bir zamân zarfında ittihâdın birinci konferansını İsviçre Salîb-i Ahmer Komitesi ictimâʻa daʻvet edecekdir. [311] b) Konferans tarafından katʻî bir nizâmnâme tanzîm olunmasına intizâren ittihâdın muh- telif uzuvlarının sürʻatle teşekkül ve îfâ-yı vazîfe etmesini teshîl zımnında melfûf ahkâm lede'l-îcâb mezkûr konferansa arz olunacakdır. Üçüncü karâr: Lige mensûb oldukları hâlde bu konferansda isbât-ı vücud etmiş olan cemʻiyetler murahhasla- rının hâzır bulunmayan cemʻiyetler murahhaslarına ligin gelecek meclis müdîrânı ictimâʻında mukar- rerât-ı ânifeyi teklîf ederek kabûl etdirmeğe çalışmaları lüzûmunu nâtıkdır. Bu teklîfler komisyonda taʻyîn-i esâmî ile reʼye konarak müttefikan kabûl edilmek sûretiyle celseye nihâyet verildi. 18 Teşrîn-i Sânî târîhinde kable'z-zuhr ictimâʻ eden delegeler komisyonunda ittihâdın nizâmnâ- me-i muvakkati olmak üzere teklîf edilen ber-vech-i âtî ahkâm müzâkere olundu: 1-Salîb-i Ahmer Cemʻiyetleri aʻzâsından olup el-hâletü hâzihî musaddak olmayan cemʻiyât-ı milliye arzu etdikleri takdîrde ittihâdın teşekkülü sırasında onun aʻzâsından olabileceklerdir. İttihâddan çıkmak isteyen her cemʻiyet, meclise işbu arzunun teblîğinden iʻtibâren aʻzâlık sı- fatını zâyiʻ eder. Şu kadar ki, aʻzâlıkdan çıkan cemʻiyetin ittihâda karşı olan taʻahhüdâtını îfâ etmiş bulunması şartdır. Aksi takdîrde taʻahhüdât-ı mezkûreyi îfâ etdiği zamân aʻzâlıkdan çıkmış olur. 2-Beynelmilel konferansı ber-vech-i âtî teşekkül eder: a) Millî cemʻîyetlerin murahhasları b) Meclis, Beynelmilel Komite ve Salîb-i Ahmer Cemʻiyetleri ligi komitesi rüesâ ve aʻzâsı c) Cenevre Mukâvelenâmesi'ne vâzıʻu'l-imzâ olan veya mezkûr mukâvelenâmeye iltihâk etmiş bulunan devletler murahhaslharı d) Sûret-i mahsûsada daʻvet edilen zevât. Konferans le-ekal üç senede bir âdiyen ictimâʻ eder ve ictimâʻ-ı âtîyi nerede akdedeceğini taʻyîn eder.