HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3377 nelmilel Komite, ittihâdın teşekkülünden evvel kendisine âid bulunan mebâliğ-i mahsûsa ve sâireyi tasarruf etmekde devâm eder. Beynelmilel Komite'ye mikdârı konferans tarafından taʻyîn olunacak olan muʻâvenât-ı nakdi- ye-i seneviyede bulunulur. Ahvâlin îcâb etdiği takdîrde konferans ve konferans müctemiʻ değilse meclis tarafından dahi Beynelmilel Komite'ye muʻâvenât-ı fevkalâde[de] dahi bulunulur. 4 [Mükerrer]-Salîb-i Ahmer Cemʻiyetleri Ligi Komitesi konferans tarafından intihâb olunan altı aʻzâda ve o kadar aʻzâ mülâzımından müteşekkildir. Reîsini bizzât taʻyîn eder. Salîb-i Ahmer Cemʻiyetleri lig komitesi hidemâtını ve mesâʻîsini bizzât tanzîm eder. Salîb-i Ahmer Cemʻiyetleri Lig Komitesi, ligin bi'l-umûm emvâlini tasarruf eder. Bundan baş- ka üçüncü mâddenin dördüncü fıkrası mûcebince kendisine [313] iʻânât ve hibelerle vasiyet edilmiş paraları tasarruf eder. 5-İttihâdın aʻzâsı olan cemʻiyât, mikdârlarını bizzât taʻyîn edecekleri bir hisse-i seneviyeyi teʼ- diye ederler. İttihâd hibe ve vasiyet kabûlüne salâhiyetdârdır. 6-Husûsî konferansın bir numaralı karârında münderic prensipleri taʻdîl etmek hakkı ekseri- yet-i sülüsân-ı ârâ ile karâr verecek olan konferansa âiddir. Bu ahkâm dahi müttehiden kabûl olunarak celseye nihâyet verildi. Baʻde'z-zuhr vukûʻa gelen son celse-i umûmiyede gerek ânifü'l-arz üç karârnâme ve gerek nizâmnâme-i muvakkat üzerine müzâkere cereyân ederek netîcesinde yine taʻyîn-i esâmî ile heyʼet-i mecmûʻası İngiltere hükûmet murahhası müstenkif olmak üzere bi'l-ittifâk kabûl olundu. Îzâhât-ı ânifeden müstefâd olacağı üzere heyʼet-i umûmiyede kabûl olunan mevâd lig tarafın- dan 1927 senesinde ictimâʻ edecek ilk meclis-i müdîrânda müzâkere ve kabûl olunmadığı takdîrde keen lem-yekün hükmünde kalacak ve binâenaleyh ittihâd teessüs edemeyecekdir. Şâyed kabûl olu- nursa gelecek umûmî konferans İsviçre Salîb-i Ahmer Merkez Komitesi tarafından daʻvet edilecek olan Beynelmilel Salîb-i Ahmer Umûmî Konferansı'nda teşkîlât mesʼelesi kesb-i katʻiyet ederek it- tihâd katʻî sûretde teessüs edecekdir. Hilâl-i Ahmer Cemʻiyeti'nin öteden beri taʻkîb etdiği maksad yani Beynelmilel Salîb-i Ahmer Komitesi'nin şekl-i hâzırıyla muhâfaza-i mevcûdiyetini mutlak sûretde teʼmînden ibâret olup son konferans ise maksad-ı mezkûru tamâmen tatmîn eylemiş bulunduğundan diğer tarafdan bâlâda dahi arz edildiği üzere Türkiye Hilâl-i Ahmeri'nin ittihâda tasvîbkâr olması evvel emirde millî cemʻiyetle- rin ekseriyet-i azîmesinin bunu kabûl etmelerine, sâniyen Beynelmilel Komite'nin vezâif ve salâhiyât ve tarz-ı intihâbâtının kemâ fi's-sâbık muhâfaza edilmesine sarâhaten taʻlîk edilmiş olduğundan ve bundan başka bir ittihâd teʼsîs fikrini esâs iʻtibârıyla tasvîb etmek behemahâl ittihâda dâhil olmak husûsunda bir mecbûriyet tahmîl etmeyeceğinden ittihâdın teşekkül ve kesb-i katʻiyet etmesi hâlinde dahi bu ittihâda dâhil olup olmamak Hilâl-i Ahmer Cemʻiyeti'nin tamâmen ihtiyârına muʻallak kal- mışdır. Kaldı ki muhtelif murahhaslarla vukûʻa gelen temâslardan anlaşıldığına göre ittihâd içinde lige mühim bir vazʻiyet ve mevcûdiyet teʼmîn edilmiş olmasına rağmen onun maksad-ı hafisi Comité Internationalee'i imhâ etmek olduğundan beri konferans mukarrerâtını tasvîb edeceği çok şübheli addolunmakda olduğu maʻrûzdur. Bern, fî 23 Teşrîn-i Sânî 1926 Mehmed Münir, Hakkı Şinasi"