HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3379 Pislikde, gübrelerde, âbdesthânelerde, bozulmuş etlerde ve hâl-i tefessühde bulunan sâir bi'l-cümle mevâdda doğan bu haşerât her dakîka bu mülevves şeyler üzerine avdet eder ve buralara yumurtalarını bırakırlar. Sürfeleri ancak buralarda neşv ü nemâ bulur. Kondukları yerlere evvelce hortumlarıyla topladıkları murdârlığı ve mikrobları saçarlar. Sıcaklar hissedilmeğe başlayınca sinekler meskenlerimizi istîlâ eder, yiyeceklerimize, [315] yataklarımıza, aʻzâ-yı vücûdumuza konar ve her tarafda uçuşurlar. Sineğin ancak birkaç günlük hayâtı olduğu hâlde müsâʻid olan aylarda şâyân-ı hayret bir velû- diyetle o birkaç günlük hayâtı telâfî eder. Tabîʻiyyûndan bir âlimin yapdığı hesâba nazaran 15 Nisan'dan 30 Eylül'e kadar bir sinek diğer sineklerin dokuz batnını tevlîd etdiği ve her batın tamâmen neşv ü nemâ buldukdan sonra bir müd- det-i tabîʻî ile telef olduğu farz edildiği takdîrde aynı sinek bu müddet zarfında 335 trilyon 923 milyar 200 milyon sinek hâsıl etmiş oluyor. Bereket versin sineklerin yarasa, kuşlar, örümcekler, yaban arıları sâir birçok haşerât ve bizzât insân olmak üzere birçok düşmanları vardır. Sineklere karşı mücâdelede her fırsatdan istifâde ediniz. Yiyeceklerimizi sineklerden muhâfaza etmeli ve müstaʻmel pansuman ve oturak gibi mikrob alabilecek şeyleri kapalı tutmalı ve bırakdıkları sürfeleri imhâ için gübrelerle müzahrafâta kireç suyu dökmelidir. HİLÂL-İ AHMER HAVÂDİSİ Hilâl-i Ahmer'i Unutma! En müşkil zamânlarda yaranızı saran, hastalığına bakan, açlık zamânında seni bir sıcak çay veyâhûd çorba ile doyurmaya çalışan, esâret zamânında mektûblarını ve emânetlerini nakle ve sana mümkün olan muʻâvenâtı yapan, ihtiyâc vaktinde seni giydirip hayâtını hıfz eyleyen, en elîm zamân- larında senin imdâdına koşan, düşünen Hilâl-i Ahmer'i unutma! Onu sev ve sevdir, ona zahîr ol. Çün- kü Hilâl-i Ahmer senin ve hepimizindir! _______________ Hilâl-i Ahmer Meclis-i Umûmîsi Nizâmnâme-i esâsînin 31'nci mâddesi mûcebince her sene Nisan ayında ictimâʻ etmesi lâzım gelen meclis-i umûmî 23 Nisan'a musâdif Cumartesi günü Ankara'da ictimâʻı takarrür etmişdir. _______________ Hastabakıcı Mektebi Bundan üç sene evvel merkez-i umûmîmiz tarafından İstanbul'da Aksaray'da Haseki Câddesi'n- de teʼsîs edilen Hastabakıcı Mektebi, arzu edilen bir tekâmüle doğru yürümekdedir. Mektebin terak- kîsi için merkez-i umûmî tarafından öteden beri ibzâl olunan azîm himmetlerle müessese büyük bir inkişafa mazhar olmuşdur. Evvel emirde mekteb binâsı ve bâğçesi geçen sene merkez-i umûmî nâmı-