HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3381 Harb-i Umûmî'de Amerika Hükûmât-ı Müttehidesi'nin birçok mühim vezâfini derʻuhde etmiş olan [317] mûmâileyh, müteveffâ Reîsicumhûr Wilson zamânında Dâhiliye nâzırlığında bulunmuş ve el-yevm Salîb-i Ahmer Cemʻiyetleri Heyʼet-i İttihâdiyesi Meclis-i Müdîrân Riyâseti'ni de idâre etmekdedir. Hastabakıcı Mektebi'nde yeniden inşâ edilen konferans salonu ve dershâne binâsı Pavillon de lʼEcole des Infirmières, dans lequel se trouvent la salle de conférance et les classes Mister Payne rüfekâsıyla berâber İstanbul merkezimizi, Sanʻatevi'ni ve Hilâl-i Ahmer Hastaba- kıcı Mektebi'ni ziyâret etmiş ve hakkında fevkalâde âsâr-ı hürmet gösterilmişdir. Mister Payne Hastabakıcı Mektebi'mizi ziyâretinde Mekteb Müdürü Doktor Ömer Lütfi Bey ile heyʼet-i idâre aʻzâsından Safiye Hüseyin Hanımefendi taraflarından kabûl ve iʻzâz edilmişdir. Mister Payne evvel emirde mektebin konferans salonuna girmiş, burada bulunan meʼzûne hem- şîrelerin bir kısmıyla birinci sınıf tâlibelerine harâretli bir hitâbede bulunmuş ve çok azîz ve mübârek bir mesleğe intisâblarından dolayı tebrîk ve mesâʻîlerinde muvaffakiyetlerini temennî etmişdir. Bunu müteʻâkib Mister Payne ve rüfekâsı mektebin esâslı aksâmını gezmişler ve ihtisâslarını defter-i mahsûsuna ber-vech-i âtî kaydetmişlerdir: "-Hastabakıcı Mektebi bende derin bir alâka uyandırdı. Hilâl-i Ahmer bundan daha nâfiʻ bir şey yapamazdı. Amerika Salîb-i Ahmeri fukarâsı çok olan mahallerde 800'den fazla hıfzıssıhha-i umû- miye hastabakıcısı istihdâm ediyor. Başladığımız [318] vakit bizim teşebbüsümüz sizin gibi küçük mikyâsda idi. İleride müesseseniz gitdikçe vüsʻat peydâ etdiğini göreceksiniz ve bundan daha hayırlı bir iş yapılamayacağına kâniʻ olacaksınız. Sizin güzel eserinizi görmek bence büyük bir sürûrdur".