HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3393 Amerika Hastabakıcılar Târîh-i teşekkülünden şimdiye kadar Amerika'da tescîl edilmiş hastabakıcıların mikdârı 43.859'[a] bâliğ olmakdadır. Bu hastabakıcılardan hizmet-i fiʻliyede bulunan 26.700'ü âfât ve mesâib-i umûmiyede mem- leketin herhangi kısmına olursa olsun gitmekle ve bir harb zuhûrunda memâlik-i ecnebiyeye hemen harekete âmâde bulunmakdadır. Ahvâl-i sıhhiyeleri, sinleri ve zâtü'z-zevc bulunmalarından dolayı hizmet-i fiʻliyede istihdâm edilemeyen hastabakıcılar ihtiyâta devredilmişdir. _______________ İngiliz Salîb-i Ahmer Kütübhânesi İngiliz Salîb-i Ahmeri'nin neşretdiği bir hitâbe üzerine Büyük Britanya Salîb-i Ahmer Hastahâ- neleri için birkaç gün zarfında 100.000'den fazla kitâb, mecmûʻa ve risâle gönderilmişdir. İngiliz Salîb-i Ahmeri Kütübhâne İdâresi, Büyük Britanya dâhilinde ve memâlik-i ecnebiyede- ki İngiliz hastahânelerine kitâb tedârük ve iʻtâsıyla vazîfedârdır. Bağdad, Basra, Bermuda, Kahire, Hong Kong, Kıbrıs, Jamaika, Malaga, Vierges adaları, Ma- namura gibi pek uzaklara tesâdüf eden İngiliz idâresindeki merâkiz dahi bu kütübhâneden istifâde etmekdedir. Bundan mâʻadâ İngiliz Salîb-i Ahmer Kütübhânesi cihânın herhangi kıtʻasında bulunursa bu- lunsun, tekmîl İngiliz sefâinine de kitâb göndermekdedir. Yedi sene evvel teʼsîs edilmiş olan bu kütü- bhâne geçen sene kitâb ve mecmûʻa olarak 1.603.757 esere mâlik bulunmakda idi. _______________ Kanada Neşriyât masrafı Neşrolunan bir istatistiğe nazaran Kanada Salîb-i Ahmeri 1920 senesi Temmuz'undan 1926 Kânûn-ı Evvel ayına kadar hıfzıssıhha faʻâliyetine dâir cemʻiyetin [327] tabʻ ve tevzîʻ etdiği 5.873.745 aded evrâk ve resâil-i matbûʻaya 175.000 dolar sarf etmişdir. _______________ Finlandiya Salîb-i Ahmer Mecmûʻası 1927 senesi Kânûn-ı Sânî'sinden iʻtibâren Finlandiya Salîb-i Ahmer Mecmûʻâsı , Finland ve İs- veç lisânıyla intişâra başlamışdır. Mecmûʻa baʻdemâ Salîb-i Ahmer sulh faʻâliyeti dâhilinde bulunan tıbbî, ictimâʻî, ilmî mesâili ihtivâ edecekdir. _______________