HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3394 Siyam Salîb-i Ahmer aʻzâsının imtiyâzı Ahîren bazı mâddeleri taʻdîl edilen Siyam Salîb-i Ahmer Nizâmnâme-i Esâsîsi 'ne: "-Üç aydan beri cemʻiyete dâhil olup da âidâtını muntazaman tesviye etmiş bulunan aʻzâ hasta- landığı takdîrde bir tabîb veya hastabakıcı tarafından tedâvî edilmek hakkına mâlik olacak veya arzu ederse Salîb-i Ahmer hastahânesine nısf ücretle kabûl olunacakdır" fıkrası ilâve edilmişdir. _______________ Belçika Maʻden ocaklarında ilk imdâd Kömür Maʻdenleri Cemʻiyeti murahhaslarının vukûʻ bulan talebi üzerine Belçika Salîb-i Ah- meri maʻdenciler için on derslik bir ilk imdâd programı tertîb etmişdir. _______________ Fransa Salîb-i Ahmer'in himâye-i etfâl faʻâliyeti Fransız Salîb-i Ahmeri Fransız Kadınları kısmı[nın] himâye-i etfâl sâhasında gösterdiği faʻâli- yet ber-vech-i zîrdir: Aded Hastahâne ve prevantoryum 7 Henüz sütden kesilmemiş çocuk muʻâyene merkezleri 167 Kreş 11 Süt Damlası 21 Taʻtîl kolonilerine çocuk gönderen merkez 41 Çocuk elbisesi iʻmâl eden Sanʻatevi 192 _______________ İsveç Teberruʻ Ashâb-ı hayr u hasenâtdan bir zât İsveç Salîb-i Ahmer Hastabakıcı Mektebi'nin kilisesi tez- yînâtı için 50.000 kuron teberruʻ etmişdir. *** İsveç Velîʻahdı ve Salîb-i Ahmer Reîsi Prens Charles Hastabakıcı Yurdu'na kıymetdâr üç tablo ihdâ etmişdir. _______________