HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3414 Çocuk vefeyâtı nisbeti hemen bütün istatistiklerin kabûl etdiği vechile binde rakamı ile îzâh olunur. Bu da bir sene-i resmiyede vefât eden çocukların aynı senede doğan çocuklara olan nisbeti ile hesâb edilmekdedir. Bu nisbetin muhtelif memleket ve şehirlerdeki nisbetini göstermek üzere ber-vech-i âtî cedveli mütâlaʻa etmek fâideden hâlî değildir. Muhtelif memleket ve şehirlerde bebek vefeyâtı binde hesâbıyla: Şehirler Sene 1885 Sene 1900 Sene 1912 Londra 150 162 91 Edinburgh 127 144 113 Sidney 173 130 76 Toronto 226 231 104 Paris 162 119 104 Amsterdam 203 169 82 Sen Petersburg 301 251 249 Moskova 340 286 333 Stockholm 208 169 82 Massachusetts 157 157 117 Berlin 279 218 142 Hamburg 222 182 130 Viyana 196 195 149 Prag 218 170 139 Budapeşte 244 174 141 Triyeste 212 218 184 Milano 156 147 102 Buenos Aires 185 120 96 Çocuk vefeyâtının bir memleket ve şehirdeki nisbeti birçok avâmil taht-ı teʼsîrinde olduğu âşikârdır. Bunlardan en mühimmi hiç şübhesiz teşekkülât-ı sıhhiye-i umûmiyenin en son sistem ve esâsâta tevâfuk edişidir. Bundan mâʻadâ bebeklerin yatak odaları, tecdîd-i havâsı, tegaddîsi, annelerin yaşı, hıfzıssıh- ha ve çocukların beslenmesi husûsâtındaki maʻlûmâtı, doğumu lavta veya ebenin yapması ilh. gibi husûsât da çok cânlı ve mühim teʼsîr yapmakdadırlar. Bir yaşındaki çocukların en ziyâde cihâz-ı hazmî hastalıklarından öldükleri hesâb edilirse bebek vefeyâtının nisbetinin yükselmesinde çocuk besleme usûllerinin ve bu husûsdaki vâlide maʻlûmâtının ne kadar mühim rol oynayacağı tezâhür etmiş olur. Çocuk vefeyâtı nisbeti bugün birçok memleket ve şehirlerde el-ân yüksek derecesini muhâfaza etmekdedir. Birçok Avrupa şehirlerinde el-ân binde yüzden fazladır. Buna mukâbil New Zeland ve Avustralya Hükûmetleri çocuk vefeyâtı nisbeti binde 64-76'ya indirerek bütün dünyâda rekord ka- zanmış oluyorlar. Maʻamâfîh bu gibi hükûmât el-ân bu nisbeti indirmek üzere çâreler aramakda ve çalışmakdadırlar. Çünkü çocuk vefeyâtının normal nisbeti her hâlde binde elliden aşağı kalacakdır.