HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3913 gayr-ı muhârib insân kitlelerinin bulundukları tecemmuʻ mahallerine karşı gaz istiʻmâli menʻ edil- mek sûretiyle bir hudûd taʻyîn edilmiş olur. Maʻamâfîh düşman kuvâ-yı berriye ve bahriyesine karşı istiʻmâlini tahdîd etmek mümkün ola- mayacaktdır. 4-Kimyâ Harbi ve Sivil Ahâlî İstikbâlde tayyâreler vâsıtasıyla muhâribler üzerine olduğu gibi sivil ahâlî üzerine de bombalar ve içleri müstahzarât-ı muzırra ile memlû bombaya müşâbih şeyler atılacağı kabûl edilebilir. Himâyesiz insânlara karşı kimyâ silâhının son derece vahîm olan avâkıb ve teʼsîrâtı ittihâz edilecek tedâbîr-i mahsûsa ile bir dereceye kadar kâbil-i taʻdîl ve tahfîf ise de sivil ahâlînin himâyesi mesʼelesine maʻalesef halledilmiş nazarıyla bakılamaz. Teknik nokta-i nazarından muhnik gazlar vâsıtasıyla büyük şehirlere havâ tarîkıyla veya uzun endâht menzili esliha ile taʻarruz edilmesinin gayr-ı mümkin olduğu zannedilmemelidir. Böyle bir muʻâmele-i melʻanetkârâne ve hareket-i şakâvet-pesendânenin vicdânen şâyân-ı tak- bîh görüleceği şübhesizdir. Ancak düşman memleketinin hayât-ı siyâsiye ve iktisâdiyesine elzem olan merâkiz üzerine muhnik gazlarla memlû cesîm bombaların atılmasına fennen bir mâniʻ tasavvur edilemez. Bu gibi tehlikelerden sivil ahâlînin himâye ve muhâfazası için müessir bir vâsıta bulunacağını ümîd etmekle berâber mesʼelenin ne kadar müşkilât arz etdiğini de teslîm etmek îcâb eder. Bundan mâʻadâ tekmîl bir memleket halkının maskelerle techîzine kudretyâb olunamayacağı gibi bulunacak himâye usûllerinin fiʻliyât ve tatbîkât sâhasında ne derecelerde müsmir ve müessir olacağı da şâyân-ı teemmüldür. Şübhesiz harbin bu tarzda inkişâfı bir melʻanet-i medeniye telâkkî edilecek ve vicdân-ı beşer bu gibi tahrîbkâr harekâta karşı elbette isyân edecekdir. Fakat Harb-i Umûmî'de olduğu üzere bundan sonra vukûʻa gelecek harblerde bir memleketin tekmîl ahâlîsi bittabʻ ve bi'z-zarûr az çok harbe iştirâk etmiş olacaklarından hukûk ve kavâʻid-i mevzûʻa hilâfında hareket edecek muhâsımlar tarafından mevâkiʻ-i harbiyedeki askerî kuvvetlere karşı istiʻmâl edilecek muhnik gazların ordulara ve bu kuv- vetlere harb etmek vesâit ve imkânını istihzâr eden merâkize karşı da bî-muhâbâ tevcîh edilmesinden korkulabilir. Sivil ahâlîye karşı kimyâ silâhına mürâcaʻat edilmesini müteʻâkib memleket şübhesiz büyük bir herc [210] merce giriftâr olacak, büyük bir felâket geçirecekdir. Bir tarafdan ilmin harb sâhasında günden güne tezâyüd ve tenevvüʻ eden tatbîkâtına imʻân-ı nazar edilince ve diğer cihetden beynelmilel mukâvelâta iʻtimâden müsterîhu'l-bâl olarak uyumanın ve uyandıkdan sonra yeni bir silâha karşı muhâfaza ve himâyeden kendini mahrûm görmenin bir millet için hayât-ı mevcûdiyetini tehdîd eden hakîkî tehlike yani ölüm tehlikesi teşkîl etdiği nazar-ı dikkate alınınca milletler başları üzerinde muʻallak duran tehdîd-i müdhişi bilmeli ve bunun avâkıbı- nı düşünmelidir.