HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3923 Mütârekeden sonra ve millî cidâl esnâsında Hilâl-i Ahmer Cemʻiyeti'nin orduya, zulüm ve iʻtisâfdan kaçan zavallı halkımıza yapdığı yardımlar ve ahâlî mübâdelesinde memleketimize gelen 400.000'den fazla Türk'e karşı gösterdiği şefkat ve muʻâvenet henüz hepimizin hâtırında olduğundan zikre lüzûm görmüyorum. Yalnız Millî Mücâdele esnâsında Hilâl-i Ahmer'in çok büyük müşkilât ve pek azîm muhâtaralara göğüs gererek Anadolu'ya elli bin balyadan fazla malzeme sevk etmek sûretiyle yapdığı yardımı burada bilhâssa arz etmekden kendimi alamayacağım. Hulâsa, Hilâl-i Ahmer son yarım asır zarfında uhdesine aldığı şefkat mefkûresini ordumuzun acı ve tatlı ve fakat dâimâ şerefli cidâllerinde bütün insâniyet için mûcib-i şeref bir sûretde tebârüz etdirebilmiş olmakla büyük bir iftihâr hisset- mekdedir. Muhterem hâmîmiz reîsicumhûr hazretleri de ikinci Millet Meclisi son devre-i ictimâʻiyesinin küşâdı olan 1926 senesi Teşrîn-i Sânî'sinin ilk gününde îrâd buyurdukları târîhî nutuklarında: '-Efendiler, târîh-i harb-i sıhhîde ve memleketin muʻâvenet-i ictimâʻiye târîhinde bir mevkiʻ-i mahsûs ihrâz etmiş olan Türkiye Hilâl-i Ahmer Cemʻiyeti'nin bu sene zarfında mübâdillerin sıhhî, ilbâs ve iskân umûruna ve memleketin âfât-ı ictimâʻiye ve arziyesine yapdığı kıymetli yardımları takdîrle zikrederim…' buyurmuşlardı. Nutk-ı riyâset-penâhînin Hilâl-i Ahmer'e taʻalluk eden kısmı ile cemʻiyetimiz hakkında ibzâl buyurulan takdîrât ve bu kısmın Büyük Millet Meclisi'mizin âlî heyʼetince şiddetli alkışlara mazhar olması Hilâl-i Ahmerce şimdiye kadar îfâ edilen hidemâtın en kıymetli mükâfâtıdır. Bunu kemâl-i şükrânla heyʼet-i muhteremenize arz ederken elli sene evvel teşekkülünden şimdiye kadar yekdiğe- rini taʻkîb eden mütevâlî âfât ve mesâibin tevlîd etdiği müşkilâta rağmen iktisâb-ı kuvvet ve rasânet ederek âlem-şümûl hizmetler îfâsına muvaffak olan Hilâl-i Ahmer Cemʻiyeti'nin bundan böyle en mütekâmil milletlerin Salîb-i Ahmer'ine hüsn-i misâl olacak bir derece-i kemâle ermek istiʻdâdında bulunduğunu ve bu vusûl için hâlen derʻuhde-i mesʼûliyet etmiş olan merkez-i umûmînin samîmî bir saʻy ve metîn [221] bir hiss-i fedâkârî ile çalışmağı çok şerefli bir vazîfe addeylediklerini teʼmîn eylerim. Hâtime-i makâl olarak cemʻiyetimizin büyük hâmîsi Gazî reîsicumhûrumuz hazretlerinin ve reîsimiz İsmet Paşa hazretlerinin kıymetdâr himâyelerine ve azîz milletimizin teveccühlerine mazha- riyeti muvaffakiyât-ı âtiyemiz için en kavî damân-ı telâkkî eylediğimizi de arz eyler ve tasdîʻâtıma nihâyet veririm". Refik Bey'in şedîd ü medîd alkışlarla nihâyet bulan bu nutkunu müteʻâkib Başvekîl İsmet Paşa hazretleri, Refik Bey'in elini sıkıp: "-İnşallah yüzüncü senesini de tesʻîd ederiz" buyurarak tebrîk etdiler. Baʻdehû hâzırûn evvelce ihzâr olunan mükellef büfede çay, pasta, limonata, meyve, kahve ile iʻzâz olundular. Büfeden dönen zevât masalarını işgâl ediyorlar ve teşrîfât meʼmurları tarafından tev- zîʻ olunan ellinci yıldönümü hâtırası Hilâl-i Ahmer sigaralarıyla kahvelerini içerek orkestranın latîf havâları içinde istirâhat ediyorlardı. Bu esnâda bizzât Hilâl-i Ahmer Kâtib-i Umûmîsi Doktor Asım ve Heyʼet-i İdâre aʻzâsından Tokad Mebʻûsu Hüseyin Hüsnü Beyefendiler zarîf bir sepet içinden huzzâra ellinci yıldönümü hâtırası olarak iʻtinâ ile işletdirilen Hilâl-i Ahmer markalı ipek mendiller takdîm ediyorlardı. Salonda herkes Hilâl-i Ahmer'in bu zarîf hediyeleri üzerine konuşuyor ve birçokları da evvelce tevzîʻ edilmiş olan bugüne mahsûs Hilâl-i Ahmer Mecmûʻâsı 'nın nüsha-i fevkalâdesini gözden geçi- riyorlardı.