HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3924 Nihâyet İsmet ve Kâzım Paşalar hazerâtının vedâʻını müteʻâkib hâzırûn, cemʻiyet nâmına Reîs Doktor Refik Beyefendi'ye teşekkürler ederek ayrıldılar ve merâsim pek samîmî bir tarzda nihâyet buldu. Tebrîkât Cemʻiyetimizin ellinci yıldönümü münâsebetiyle Beynelmilel Salîb-i Ahmer Cenevre Merkez Komitesi'nden, Rus Hilâl ve Salîb-i Ahmer Cemʻiyetleri Heyʼet-i İttihâdiyesi'nden, Rus Sovyet İt- tihâdı ile memâlik-i ecnebiye arasında Münâsebât-ı Harsiye Cemʻiyeti reîsesinden, Sovyetler İttihâdı Ankara sefîrinden merkez-i umûmîmize çekilen tebrîk telgrafnâmelerinin tercemelerini aşağıya derc ediyoruz: Cenevre: "-Hilâl-i Ahmer'in ellinci yıldönümü münâsebetiyle en samîmî temenniyâtımızı arz ve şimdiye kadar mesbûk olan icrâât ve mesâʻî-i ber-güzîdesini tebrîk eder, âtiyen dahi muvaffakiyetleriniz için en hâr temennîlerimizi takdîm eyleriz. Cenevre Beynelmilel Merkez Komitesi" *** Ankara: "-Dost Türk Cumhûriyeti Hilâl-i Ahmer Cemʻiyeti'nin ellinci devr-i senevîsi münâsebetiyle en samîmî tebrîkâtımı takdîm ile kesb-i şeref eylerim. Sovyetler İttihâdı Ankara Sefîri" *** Moskova: "-Türk Hilâl-i Ahmer Cemʻiyeti'nin ellinci yıldönümü münâsebetiyle Sovyet Şûrâları Hilâl ve Salîb-i Ahmerleri [222] nâmına arz-ı tebrîkât eder ve gerek Türk Hilâl-i Ahmeri'nin gerek müşterek insânî gâyemizin inkişâfı için temenniyâtda bulunuruz. İmzâ: Enoukidze " ***