HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3928 fikir edenler işbu âlâm ü fecâyiʻin tehvîn ü teskîni emrinde Hilâl-i Ahmer'in gâyet mühim, gâyet ulvî ve gâyet hayırkâr olan vezâif-i muʻâvenetkârîsini tahattur ederler. Daha evvel Türkiye Hilâl-i Ahmer Cemʻiyeti on seneden fazla bir zamân zarfında mecrûhların, hastaların, üserânın ve âfât-ı harbiyeden müteessir olan havâlî halkının tahfîf-i ıztırâb ve sefâletleri için gayret ve faʻâliyetini tezyîde mecbûr olmuşdur ve en müşkil ahvâl ve vekâyiʻde Hilâl-i Ahmer'in ibrâz etdiği gayret, fedâkârlık ve faʻâliyet-i müessire sâyesinde derʻuhde eylediği vezâifi hüsn-i îfâya muvaffak olmuş, birçok yaraları sarmış, birçok âlâm ü ıztırâbâtı susturmuş ve bazen memleketi teh- dîd eden hastalıklara da çâresâz olmuşdur. Makâmât-ı askeriye ve mülkiyenin emniyet ü iʻtimâdı ve bütün milletin muʻâveneti ile cemʻiyet memleketin şükrân ve hürmetlerine mazhar olmuşdur". Baʻdehû Mösyö Schlemmer: "-Hilâl-i Ahmer Cemʻiyeti memâlik-i ecnebiyenin ve 63 sene evvel teessüs ederek Cenevre Mukâvelenâmesi'nin mukaddes prensiplerine istinâd eden eser-i âlînin anʻanâtıyla efkâr-ı müdiresi- nin muhâfızı olan Beynelmilel Salîb-i Ahmer Merkez Komitesi'nin de hürmet ve takdîrât-ı mahsûsa- sına lâyık olmuşdur" dedikden sonra Beynelmilel Salîb-i Ahmer Komitesi'nin tebrîkâtını, selâm ve temenniyâtını takdîm etmişdir. Mösyö Schlemmer'in nutku da şiddetle alkışlanmışdır. Reîs Ali Paşa, Mösyö Schlemmer'in Hilâl-i Ahmer hakkındaki takdîrkâr sözlerine teşekkür et- dikden sonra Safiye Hüseyin Hanımefendi âtîdeki kıymetdâr nutku söyledi. Safiye Hüseyin Hanımefendi'nin nutku: "-Hilâl-i Ahmer'imizin teessüsü, harb ve sulhdaki faʻâliyet ve fedâkârlığı hakkında şimdiye kadar söylenenlere bir şey ilâve edemeyerek yalnız bu yüksek müesseseye hizmeti sebk edenlerden vefât edenleri hürmetle yâd ve mevcûdlara da teşekkür etmeği bir vazîfe addeylerim. Ahîren inʻikâdında hâzır bulunduğum Cenevre Hastabakıcı Konferansı'ndan mülhem olarak Hilâl ve Salîb-i Ahmerlerin harb ve sulhdaki vezâifine ve bu cemʻiyetlerde pek mühim rol îfâ eden kadın hastabakıcılığının târîhçesiyle şimdiye kadar geçirdiği safahât ve îfâ etdiği hizmetlerden muh- tasaran bahsetmek isterim. Dünyâda mevcûd milletlerin Hilâl ve Salîb-i Ahmer Cemʻiyetleri elli sekize bâliğ olup bunların vezâif-i mühimmeleri 1863 Cenevre Muʻâhedesi ahkâmına tevfîkan harbde ordunun hasta ve yaralı- larına fahrî muʻâvenetde bulunmak, üserâ ve harb maʻlûllerine yardım ve ahâlî ile müdâfaʻa-i milliye ve ordu ve bahriyeye muʻâvenet için tavassut vazîfesini îfâ etmekdir. Bundan başka Hilâl ve Salîb-i Ahmerler sulhda millî ve beynelmilel muʻâvenet usûlünü taʻkîb ile emrâz-ı müstevliye ve sâriye, kaht, tuğyân vesâire gibi âfâtın âlâm ü ıztırâbâtını tahfîf, menʻ-i sirâyet ve intişârı esbâbına tevessül eder. Çocuk vefeyâtının önüne geçmek üzere teşkîlâtlar vücûda getirir. Gençlik Salîb-i Ahmer Cemʻi- yetleri teşkîl ve bu genç ve faʻâl şefkat ordusuyla kendisinin müstakbel aʻzâsını teʼmîn ve ihzâr etmiş olur. Alkolik mazarratını halka telkîn husûsunda Salîb-i Ahmerlerin faʻâliyeti zikre şâyândır. [226] Hilâl ve Salîb-i Ahmerlerin bu insânî vezâifi arasında hastabakıcı hemşîrelerin pek mü- him bir mevkiʻi vardır. Beynelmilel Salîb-i Ahmer Komitesi Reîsi ve sâbık İsviçre Reîsicumhûru Mösyö Gustave Ador bu sene Cenevre'de inʻikâd eden hastabakıcı konferansındaki beyânâtı arasında: '-Hastabakıcı hemşîreler mensûb oldukları cemʻiyetlerin timsâli değil midir ve halk bu muhte- rem hemşîrelere Hilâl ve Salîb-i Ahmer'in heyʼet-i mecmûʻası gibi bakmıyor mu?' demişdi.