HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3930 kir kraliçeler ve birçok yüksek âilelerin gösterdikleri alâka ile kesb-i kuvvet etmişdir. Hattâ Mısır firavunlarının zevceleri bile daha o zamân hastaları ziyâret ve bunlara muʻâvenet etdikleri rivâyet edilmekdedir. Zamânla hastabakıcı hemşîrelerin kadrleri takdîr edilmekde ve Avrupa hükûmetlerinden bir- çoklarında mecâlis-i belediye ve parlamento aʻzâlığına intihâb olunmakdadır. Hilâl-i Ahmer hastabakıcı hemşîresi vazîfe-i asliyesinin harbin zuhûrunda yaralılara muʻâvenet olduğunu unutmamalıdır. Bundan başka bu muhterem hemşîreler sulhda Hilâl ve Salîb-i Ahmer ve cemʻiyât-ı hayriye idâresi altında ziyâretçi hastabakıcı nâmıyla mahalle ve köyleri dolaşır. Fukarâ, hâmile ve lohusa kadınların ve küçük çocukların imdâdına yetişir. Mekteblerde talebeye ev hıfzıssıhhası ve evlerde hastaya bakmak usûlüne dâir dersler verir. Fabrikalarda amelenin sıhhatini vikâye ve her zamân muh- tâc-ı muʻâvenet olan gemicilerin imdâdına erişmek için limanlara ve maʻden amelesine yardım için de bunların bulundukları mevkiʻlerde teşkîlât-ı sıhhiyeyi idâre eder. Hapishânelerde, memleketin ücrâ köşelerinde muhtâc-ı muʻâvenet halkın imdâdına koşar, sıh- hiye ve muʻâvenet-i ictimâʻiye vesâir hükûmet işlerinde bulunur. Görülüyor ki, asr-ı hâzırda Hilâl ve Salîb-i Ahmerlerin mekanizmasını hastabakıcılar çevirmek- de olduğundan hastabakıcı hemşîresiz bu gibi cemʻiyât-ı hayriye hiçbir vakit mevcûdiyet göstereme- yecekler. Şu hâlde hastabakıcı hemşîresi vezâifinin tenevvüʻ ve derece-i şümûlü gâyet vâsiʻ olup at üstünde kır ve sahrâlarda, deniz aşırı mevâkiʻde sıtma vesâire birçok hastalıklarla mücâdele ederek medeniyetin henüz erişmediği mevâkiʻde teşkîlât-ı medeniye ve sıhhiye vücûda getirerek beşeriyeti kendine minnetdâr bırakmakdadır. Memleketimizde hastabakıcı hemşîre yetiştirilmesi üstâd-ı muhterem Doktor Besim Ömer Paşa hazretlerinin taht-ı tedrîsinde olmak üzere başlamış ve sırf müşârunileyhin eser-i gayreti olarak Hilâl-i Ahmer tarafından açılan kurslara en yüksek âilelere mensûb hanımlar devâm etmişdi. Burada gösterilen derslerden sonra bi'l-imtihân diplomalar tevzîʻ edilmişdi. Müşârunileyh yorulmak bilmez faʻâliyeti ile Harb-i Umûmî'de kursları tevâlî etdirmişdir. Balkan Harbi ile Harb-i Umûmî'de memleketin güzîde hanımları muhtelif hastahânelerde hiz- mete şitâbân olmaları ve ibrâz etdikleri fedâkârlık Hilâl-i Ahmer için gösterdikleri alâkaya iyi bir misâl teşkîl etmekde bulunmuşdur. Hükûmet-i Cumhûriye zamânında hastabakıcılığın kıymeti bir kat daha takdîr edilerek Hilâl-i Ahmer tarafından birçok fedâkârlıklarla bir Hastabakıcı Mektebi teʼsîs edildiği gibi bu mekteb te- şekkülünden beri kırk hemşîre yetiştirmiş ve günden güne rağbetin artmasına mebnî mektebin hâl-i hâzırda mevcûdu seksene bâliğ olmuşdur. Bundan başka Hilâl-i Ahmer tarafından açılan Samariten kursları fevkalâde hüsn-i netîce ver- mişdir. Bu ulvî mesleğe daha yüksek âilelerde hemşîrelerimizin rağbet göstermelerini kemâl-i hulûs ile temennî ederim. Gençlere ve çocuklara hizmet fikrini telkîn ve husûsuyla nefsinin ve âharın sıhhatini vikâye, terbiye-i medeniye ve insâniyenin mesʼûliyetini anlayarak mûcebince hareket etmeği öğreten ve bü- tün çocuklara muʻâvenet-i dostânenin rûhunu anlatan Gençlik Hilâl-i Ahmeri'nden de bir nebze bah- setmekliğime müsâʻade buyurmanızı ricâ ederim.