HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3931 Hükûmet-i Cumhûriyemiz memleketin istikbâl ve refâhını gençlikden beklemek isâbetini gös- termekde ve bu unsur-ı mühimmin taʻlîm ve terbiyesine hasr-ı dikkat etdiği kemâl-i şükrân ile görül- mekdedir. Zâten bi'l-cümle milel-i mütemeddine gençliğin ıslâhını üssü'l-esâs ittihâz ederek bunların sağlam, vatan-perver, nâfiʻ ve faʻâl bir unsur olarak yetiştirilmelerine hasr-ı gayret etmekde ve bun- dan pek çok fâideler görmekdedirler. Gençlik Hilâl-i Ahmeri'nin mekteblerdeki teşkîlâtı ve programları hakkında tafsîlâta girişmeğe zamân ve mekân müsâʻid olmadığı cihetle bu teşkîlâtın menâfiʻi hakkında birkaç söz söylemekle ik- tifâ edeceğim. Gençlik Salîb-i Ahmeri çocuklara mesʼûliyet-i şahsiye öğretdiği gibi tahsîl-i ahlâkîye de dahl-i küllîsi vardır. Mekteblerde tatbîki çocukların bi'l-cümle vezâifinin bi-hakkın icrâsına hizmet eder, [228] mâ-fevkine itâʻati öğretir, yüksek mevkiʻlere istiʻdâdı olan şahsiyetleri meydâna çıkarır. Gençlik Hilâl-i Ahmeri'nin vazîfesi muhtâcîne muʻâvenetdir. Teʼsîs-i uhuvveti öğretir. Mekteblere hizmet fikrini sokmak, o hizmetin tevlîd etdiği saʻâdeti anlatmakdır. Gençliğin Hilâl-i Ahmer'i de- mek yardım etmek, işe yaramak, her gün birisine iyilik etmek ve her an iyilik için fırsat kaçırmamak demekdir. İyi vatan-perver olmayan bir çocuğun tahsîli hiçbir zamân tamâm sayılmaz. Ancak bunun yo- lunu Gençlik Hilâl-i Ahmer teşkîlâtı ve faʻâliyeti gösterir. İdâre-i sâbıkanın dâhil-i vatanda yapmış olduğu maddî ve maʻnevî tahrîbâtı taʻmîr edecek ve fikr-i iʻmârı, yardımı, hizmeti esâs ittihâz edecek nesl-i cedîddir. Bunları ileride derʻuhde eyleyecekleri bu mesʼûliyetlere alıştıracak ancak Gençlik Hilâl-i Ahmeri olacağı cihetle bugün dünyâda kırk memleketin kabûl etdiği Gençlik Hilâl-i Ahmer teşkîlâtına hemen başlamayacak olursak hiçbir zamân erken hareket etmiş olmayız". Bundan sonra sâbık Osmanlı Bankası müdîrânından ve Hilâl-i Ahmer Beyoğlu Kazâ Şuʻbesi aʻzâsından Keresteciyan Bey tarafından şu nutuk îrâd edildi: "-Muhterim Hanımefendiler, Muhterem Beyefendiler! Bendeniz 16 seneden beri bilâ-inkıtâʻ Hilâl-i Ahmer'in hâdimlerinden olmakla müftehirim. Müsâʻade buyurulursa bu mesʻûd günün Hilâl-i Ahmer'in yakın mâzîye âid faʻâliyetine dâir birkaç söz de bendeniz söyleyim: Hilâl-i Ahmer Cemʻiyeti millî bir tarzda teşekkül etdiği zamân merkezi Tophane'de Yusuf İz- zeddin Efendi'nin akârâtında iki oda içinde işe başlamış idi. O esnâda bendeniz heyʼet-i idâre aʻzâsı intihâb edildiğim zamân sermâye olarak Osmanlı Bankası'nda yüzde üç fâizle on bin lira mevcûd idi. Bu para Faik Paşa Della Suda ve Mösyö Wolter Malthas tarafından Hilâl-i Ahmer hesâbına tenmiye edilmekde idi. Bir merkez-i umûmî karârıyla mezkûr sermâye yeni teşekkül eden Türk Hilâl-i Ahmer Cemʻiyeti'ne devredildi. İşbu teferruʻâtı zikretmekden maksadım Hilâl-i Ahmer Cemʻiyet-i mukaddesesinin bugünkü şöhret ve sermâyesi kıyâs edilirse Meşrûtiyet'in iʻlânından evvel cemʻiyetin mütevâzıʻ ve gayr-ı faʻâl bir hâlde bulunduğunu ve gitdikçe ne kadar terakkî etmiş olduğunu göstermekdedir. Daha doğrusu o vakit Hilâl-i Ahmer'in ismi var, cismi yokdu. Hilâl-i Ahmer'in yeni teşekkülünü müteʻâkib Trab- lusgarb Muhârebesi, Balkan Harbi, Harb-i Umûmî ve Mücâdele-i Milliye gibi pek mühim hâdiseler önünde cemʻiyet kendisine terettüb eden vezâifi îfâ etmek mecbûriyeti altında kalmış ve işbu şefkat müessesesine merbût hamiyetli vatandâşlar bir tarafdan cemʻiyetin vâridâtını artdırmağa, cemʻiyeti muntazam ve asrî bir hâle koymağa ve diğer tarafdan cemʻiyete hârikulâde hizmetler îfâ etdirmeğe muvaffak olmuşlardır. Gerek Balkan Harbi ve Harb-i Umûmî zamânlarında ve gerekse düşmana karşı çarpışan Mü-