HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3932 câdele-i Milliye senelerinde Hilâl-i Ahmer Cemʻiyeti burada bir takım bedhâh eşhâsın hücûmlarına göğüs gererek kendisine terettüb eden vatanî vazîfeyi îfâ etmekden bir dakîka bile geri kalmamışdır. Hilâl-i Ahmer'in en mukaddes vezâifinden biri yaralı askeri tedâvî etmekdir. Harb senelerinde ağır ve tehlikeli olan yaralılara karşı ulvî vazîfesini îfâ etmiş ve yaralıların kısm-ı aʻzamını ölümden kurtarmış, birçoğunun ağrılarını teskîn etmiş ve pek vahîm ve ümîdsiz olanları da tesellî etmişdir. Hiç unutmam, bir gün hastahânelerden birinde yaralı askerlere sigara vesâire tevzîʻ ederken yanımda bulunan doktor arkadâşım Çanakkale'de yaralanmış bir askerin hâli pek vahîm olduğunu ve ancak bir-iki sâʻatlik ömrü kaldığını söyledi. Bendeniz hemen hastahânenin yanına gidip hâtırını sordum. Bir kadeh su ve bir sigara istedi. Takdîm etdim ve yanında oturdum. Rahmet-i Rahmân'a kavuşması yaklaşan bu şânlı asker elimi tutdu ve baygın bir sesle: '-Hilâl-i Ahmer'imizden Allah râzı olsun, sen de var ol!' dedi. Bu sözler bendenizi çok müte- hassis etdi. Gözlerim doldu. Bir sâʻat sonra yine bu şânlı askerin [229] yanına gitdiğimde rûhunu Al- lah'[a] teslîm etmiş, şehîd olmuşdu. İşte Hilâl-i Ahmer vatan uğruna rûhunu veren şehîdlerin duʻâsını almış bir cemʻiyetdir! Hilâl-i Ahmer fakîr âilelere, çocuklara ve kazâzedelere dahi dâimî sûretde muʻâvenetde bu- lunmuş ve bulunmakdadır ve bu sûretle gerek Türk vatandâşlarımız ve gerek ecnebîler tarafından mazhar-ı takdîr olmuşdur. Bugün Hilâl-i Ahmer Cemʻiyet-i mukaddesesi reîsicumhûr hazretlerinin taht-ı himâyelerinde bulunuyor. Büyük Gâzî'miz ve büyük halâskârımız bu cemʻiyete muʻâvenet etmemizi ve cemʻiyetin teʻâlîsine çalışmamızı emir ve arzu buyurmuşlardır. Binâenaleyh her Türk'ün seve seve Hilâl-i Ah- mer'e yardım edeceğine hiç şübhem yokdur. Bakınız hamiyetli Ödemişlilere, onlar kâmilen Hilâl-i Ahmer'e aʻzâ kaydedildiler ve Hilâl-i Ahmer'e karşı vicdânî borçlarını ödemiş oldular. Bu cidden mûcib-i şükrân ve iftihârdır. 14 milyon Türk vatandâşlarımızın hiç olmazsa bir rubʻu aʻzâ kaydedilirse hem vicdânî vazî- felerini îfâ etmiş olacaklardır ve hem de Hilâl-i Ahmer'e büyük bir vâridât-ı seneviye teʼmîn etmiş olacaklardır. Ecnebî memleketlerde milyonlarca halk Salîb-i Ahmerlere hüsn-i rızâ ve ihtiyârla aʻzâ kayde- diliyorlar. Zannederim ki, senede bir lira vererek Hilâl-i Ahmer'imize aʻzâ kaydolunmak hiçbirimizin bü- dcesini sarsmaz. Tayyâre Cemʻiyet-i muhteremesi çoluğumuzu, çocuğumuzu düşman bombalarından vikâye etmek için para toplar. Hilâl-i Ahmer de maʻâzallah düşmanın yaraladığı vatandâşı tedâvî eder ve ölümden kurtarmağa çalışır. Bundan mâʻadâ harîkzedegâna, seylâbzedegâna ve zelzelelerden dûçâr-ı hasâr olanlara yardım ederek insâniyet-perver vazîfesini dâimâ îfâ eder. Bugün Hilâl-i Ahmer Cemʻiyeti pek muhterem Başvekîl İsmet Paşa hazretlerinin fahrî riyâ- setleri altında bulunup çok hamiyetli ve dirâyetli zevât tarafından idâre ediliyor ve günden güne ehemmiyeti artıyor. Bunu gören Türk vatandâşlarımız büyük bir muhabbet ve alâka ile işbu şefkat müessesesine muʻâvenet ediyorlar ve daha da edeceklerine emînim ve inşâallah fedâkâr Türk vatan- dâşlarımızın himmetiyle Hilâl-i Ahmer'imizin vâridâtı gitdikçe artacakdır. Muhterem Hanımefendiler, Muhterem Beyefendiler!