HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3934 İzmir'de Hilâl-i Ahmer Cemʻiyeti'nin ellinci sene-i devriye-i teessüsü erkân-ı vilâyet ve ümerâ-yı aske- riye ile eşrâf-ı memleket, konsoloslar, müessesât müdürleri ve Hilâl-i Ahmer heyʼet-i merkeziyesi huzûruyla parlak bir sûretde tesʻîd edilmişdir. Merâsime sâʻat on altıda hanım ve beylerden müteşekkil müntehab bir sâz heyʼet itr İstiklâl Marşı'nın çalışmasını müteʻâkib ibtidâr edilmiş ve Hilâl-i Ahmer'in elli senelik târîhçe-i mesâʻîsi İzmir merkezimiz tarafından arz u îzâh olunarak takdîrlerle alkışlanmışdır. Baʻdehû sâz heyʼetinin iş- tirâkiyle heyʼet-i merkeziye aʻzâsından Doktor Şükrü Beyefendi'nin tanzîm ve Bestekâr-ı şehîr Lemi Bey tarafından bestelenmiş olan şu: Ey Hilâl-i Ahmer! Mihrâbı necm-i şefkatin Bu kadar imkân-ı hak bilir eltâfının taʻdâdına Sâha-i hecâda hûn-âlûd olan bîçâreler Tesliyet senden bulur ancak dil-i nâ-şâdına Dulların, öksüzlerin, mecrûh ve zâr askerlerin Sen koşarsın dâimâ feryâd-ı istimdâdına Eyleyin hizmet, sana teʼmîn-i istihkâk eder Şübhesiz Allah'ın ihsân-ı bî-endâdına Hilâl-i Ahmer manzûmesi büyük bir muvaffakiyetle çalınarak hâzırûn mütehassis olmuş ve bunu müteʻâkib cazbandın parlak nağmeleri arasında şekerleme, pasta ve çay ile hâtıra olarak sûret-i mah- sûsada ihzâr olunan küçük ipekli mendiller tevzîʻ edilmişdir. Merâsimin hitâmından sonra reîsicumhûr hazretleriyle Başvekâlet'e, Büyük Millet Meclisi Riyâseti'ne, Sıhhiye Vekâleti'ne, merkez-i umûmîye tebrîk ve teşekkür telgrafları keşîde edilmişdir. Bu telgraflara gelen cevâbların sûretlerini aşağıya derc ediyoruz: "-İzmir Hilâl-i Ahmer Cemʻiyeti Riyâseti'ne, Yarım asırdan beri memleket ve millete meşkûr hidemâtı sebkat eden Hilâl-i Ahmer Cemʻiye- ti'nin yıldönümünün tesʻîdi münâsebetiyle hakkımda ızhâr buyurulan samîmî hissiyâta beyân-ı teşek- kürât âtî için mesâʻîsinde mazhar-ı muvaffakiyât olmasını temennî eylerim, efendim. 26 Kânûn-ı Evvel [1]927 Gâzî Mustafa Kemal " *** "-İzmir Hilâl-i Ahmer Cemʻiyeti Heyʼet-i Merkeziyesi Reîs-i Sânîsi Hüsnü Beyefendi'ye Teşekkülü gününden beri dâimâ mütezâyid bir cehd ü himmetle vatan ve millete büyük hiz- metler îfâ eden Hilâl-i Ahmer Cemʻiyeti'nin teessüsünün ellinci yıldönümünü meserretle tesʻîd ve