HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3936 telgrafnâme keşîdesinden sonra heyʼet-i merkeziye reîsi tarafından Hilâl-i Ahmer'in bir târîhçesi ya- pılmış ve alkışlanmışdır. Baʻdehû medʻuvvîn sigara, çay, kahvelerle iʻzâz ü ikrâm edilerek akşâm geç zamâna kadar Heveskârân Musiki Cemʻiyeti bandosunun latîf havâları dinlenmiş ve cazbantla dans edilerek pek hoş vakit geçirilmek sûretiyle merâsime nihâyet verilmişdir. _______________ Adana'da Hilâl-i Ahmer'in ellinci sene-i devriye-i teessüsüne musâdif Kânûn-ı Evvel'in yirmi üçüncü günü askerî mahfilde Adana Hilâl-i Ahmer Heyʼet-i Merkeziyesi tarafından bir çay ziyâfeti tertîb edilmişdir. Birkaç gün evvel matbûʻât-ı yevmiye ile keyfiyet iʻlân edilmiş ve sâʻat on dörtden iʻtibâren daʻ- vetliler gelmeğe başlamışdır. Mahfil-i askerînin mükellef salonu tezyîn edilmişdi. Cemʻiyet mensû- bîni arasında bilhâssa heyʼet-i askeriye [232] nazar-ı dikkati celb ediyordu. Fırka Kumandan Vekîli Abdi Beyefendi, cemʻiyetimizle aynı bayrak altında çalışmak için çok büyük muʻâvenetde bulun- muşlardır. Kâimen istimâʻ olunan İstiklâl Marşı'nı müteʻâkib sâʻat on beş buçukda Hilâl-i Ahmer'in târîhçesi bütün tafsîlâtıyla Adana Heyʼet-i Merkeziyesi aʻzâsından Tütün İnhisâr Başmüdürü Mustafa Bey tarafından anlatılmış ve bu zemîn üzerinde verilen nutka müheyyic bir hitâbe ile nihâyet veril- mişdir. Nutkun sonunda bilhâssa Tevfik Fikret merhûmun Hilâl-i Ahmer için yazdığı meşhûr şiʻrle- rinden güzîde bir parça olan: Hürmet sana, ey tesliyet-i aceze-i müvekkil Düşmanlara mûnis ve şifâ-pâş uzanan el! Hürmet sana, ey kanları sîmâ-yı beşerden Rikkatle, metânetle silen şefkat-i zî-fen! Hürmet sana, ey nâhun zehrin vegâyı Asrın ciğerinden sökecek pençe-i muhyî! Hürmet sana, ey gurre-i gazâ-yı gül-efşân! Hürmet sana, hürmet sana!... hitâbesi, mahfildeki büyük kırmızı hilâl muvâcehesinde inşâd edildiği zamân bütün Hilâl-i Ahmerci- lerin göğüsleri iftihârlarla kabarmış ve elli senelik bir hayât-ı saʻyin mükâfâtını idrâkle bahtiyâr olan insânlar sevinçlerinden ağlamışlar ve yekdiğerini tebrîk etmişlerdir. Konya'da Konya'da yapılan tesʻîd merâsimi hakkında atideki satırları Babalık refîkimizden iktibâs edi- yoruz: "-Sâʻat on üç buçuk. Medʻuvvîn, Türk Ocağı binâsının yüksek merdivenlerinden salona girme- ğe başlıyor. Duvarlar beşerî yaraları saran, devâsızlara dermân bulan Hilâl-i Ahmer'in remzi, beyâz zemîn üzerine kırmızı hilâlli bayraklarla örtülü. Daha ilk bakışında kalblere sıcak bir sevgi aşılayan bir sevim var. O remiz bize kızgın çöllerde serin çadırlarını, karlar içinde sıcak kapılarını açan cândan ve samîmî bir göğüs, bir şefkat göğsü, sevgili bir ana gibi teʼsîr bırakıyor.