HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3937 Bu en yüksek insânî teşekkülü seven bütün şahsiyetler büyük bir hürmetle kapıdan giriyor. Muhterem vâlîmiz İzzet Beyefendi, Kolordu Kumandan Vekîli Mîralây Nazif Beyefendi, Erkân-ı Harbiye Reîsi Kâimmakâm Ziya Beyefendi, Belediye Reîsi Halis, Maʻârif Emîni Abdüllatif Nev- zad, Tayyâre Cemʻiyeti Reîsi Şevki, Vilâyet Jandarma Kumandanı Beyefendilerle memleketimizin mümtâz sîmâlarından birçok etıbbâ-yı muhtereme, Eczâcı Hulusi ve Hacı Mendizâde Süleyman, Konya Hilâl-i Ahmer aʻzâ-yı merkeziyesinden Muhâsebeci Vâsıf Beyler, memleketin münevver ta- bakası zâbitân-ı muhtereme, birçok muʻallim beyler ve zevât-ı sâire ve erkân-ı matbûʻât bu samîmî çevrede toplanmışdılar. Kolordu muzıkasının çaldığı İstiklâl Marşı kâimen istimâʻ edildikden sonra tâm on dörtde Kon- ya Merkezi Reîs-i muhteremi Yümni Bey, mevkiʻ-i hitâba çıkarak cemʻiyetin târîhçesini anlatdı. Bu şefkat yuvasının yapdığı muʻazzam işlerin büyüklüğünü çok mütevâzıʻ olarak anlatmış ol- masına rağmen sâmiʻînce nihâyetsiz bir vecd ü hürmetle dinlenildi ve nutuk alkışlarla nihâyete erdi. Konya'mızın kıymetli merkezi, bugün lâyık olduğu hürmeti tamâmen irâʼe etmişdiler. Medʻuvvîne kahveler, sigaralar ikrâm edildiği gibi ayrıca zarîf mahfazaları içinde şekerler tev- zîʻ edildi. Bando, muhtelif zamânlarda müntehab repertuarıyla güzel havâlar çaldı. Merâsim büyük bir samîmiyetle hitâma erdi". _______________ [233] Rize'de Cemʻiyetimizin ellinci sene-i devriye-i teessüsünde Rize'de öğleden evvel sâʻat onda vâlî, belediye reîsi, erkân ve meʼmûrîn-i vilâyet, askerî kumandanlar, Halk Fırkası, Tayyâre Cemʻiyeti, Türk Ocağı, Muʻallimler Birliği'nden ve diğer cemʻiyetlerden birer heyʼet ile memleket eşrâfından ve Hilâl-i Ahmer aʻzâsından mürekkeb 120 kişilik medʻuv zevâta bir çay ziyâfeti verilmişdir. Rize merkezi reîsi Hilâl-i Ahmer'in sûret-i teşekkülünden ve hidemât-ı mesbûkasından bâhis bir nutuk îrâd ederek medʻuvvîn çay, bisküvi ve pastalarla taʻzîz ve ikrâm edilmişdir. Bu merâsime Hilâl-i Ahmer merkez binâsı kâfi gelmediğinden ziyâfet Millî Kütübhâne'de ya- pılmışdır ve kütübhâne binâsı Hilâl-i Ahmer bayraklarıyla tezyîn edilmişdir. Tesʻîd merâsimi diğer yerlerde olduğu gibi Rize'de dahi gâyet samîmî olmuşdur. _______________ Edirne'de Edirne'de ellinci devr-i senevî ihtifâli Türk Ocağı'nda bi'l-cümle erkân-ı vilâyet, meʼmûrîn-i hükûmet, ümerâ-yı askeriye ile mahallât cemʻiyet aʻzâsı ve ahâlîden arzu edenler hâzır olduğu hâlde mutantan bir sûretde icrâ edilmişdir. Hilâl-i Ahmer'in bidâyet-i teessüs ve teşekkülünden şimdiye kadar sebk eden hidemât ve muʻâ- venâtı Edirne Hilâl-i Ahmer Merkezi reîsi tarafından îzâh edildikden sonra cemʻiyetin hâmî-i muʻaz- zamı Gâzî Mustafa Kemal hazretlerine arz-ı taʻzîmât edilmiş ve gece Edirne Kulübü'nde bi'l-cümle meʼmûrîn ve düvel-i ecnebiye konsolosları dâhil olduğu hâlde mükemmel bir balo tertîb olunmuşdur.