HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3939 memleket eşrâfı ve bi'l-umûm Hilâl-i Ahmer aʻzâsı sûret-i mahsûsada Türk ve Hilâl-i Ahmer bay- raklarıyla tezyîn olunan Cumhûriyet Halk Fırkası binâsı salonuna daʻvet olunarak on dört buçukda resm-i kabûl icrâ edilmişdir. İşbu resm-i kabûlde Hilâl-i Ahmer Trabzon merkez reîsi tarafından cemʻiyetin teşekkülüne ve îfâ etdiği hizmetlere âid bir nutuk îrâd edilmiş ve medʻuvvîn çay, şeker, pastalarla iʻzâz olunmuşdur. Tesʻîd günü akşâmı Trabzon Sineması, Hilâl-i Ahmer menfaʻatine tahsîs edilmişdir. _______________ Diyarbekir'de Ellinci devr-i senevî münâsebetiyle Hilâl-i Ahmer Diyarbekir Merkezi tarafından yapılan kabûl merâsiminde erkân-ı mülkiye ve askeriye ile şuʻabât müdürleri, bi'l-umûm müessesât, esnâf ve tüc- cârlar dâhil olduğu hâlde medʻuvvîn çay, pasta ile ikrâm ve iʻzâz kılınmış ve bu vesîle ile reîsicumhûr hazretleriyle heyʼet-i vekîlenin idâme-i sıhhatlerine duʻâlar edilmişdir. Gece belediye dâiresinde verilen âilevî balo çok eğlenceli ve samîmî olarak tâ be-sabâh devâm etmişdir. Balonun tertîb ve ihzârında erkân-ı harb binbaşılarından Halim Bey'in refîkaları İffet ve Dâül- kelb Müessesesi Müdürü Doktor Cafer Sadık Bey'in refîkası Meliha Hanımefendilerin ve Doktor Yüzbaşı Suad Bey'in cidden şâyân-ı tebrîk ve takdîr hizmetleri sebk etmişdir. [235] Beyoğlu Hilâl-i Ahmer Şuʻbe Heyʼeti 1-Reîs Abdürrezzak Şükrü Bey, 2-Doktor Refik Bey, 3-Haydar İbrahim Bey, 4-Esad Bey, 5-Avukat Salahaddin Bey, 6-Avukat Cemaleddin Fazıl Bey, 7-Keresteciyan Bey Groupe représentant le comité administratif de notre Branche de Beyoglou (Pera)