HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3949 İkinci Mâdde- Bu hizmete girmeği arzu eden kimseler Sıhhiye-i Umûmiye Vekâleti'ne tâbiʻ bi'l-cümle müessesâtda açılacak hıfzıssıhha ve çocuk tarz-ı tegaddîsi derslerine muntazaman devâm etmeğe mecbûrdurlar. Üçüncü Mâdde- İşbu ziyâretçi hastabakıcılar, bir sıhhiye müfettişinin veya memleketin muhte- lif aksâmında mevcûd dispanserlerdeki etıbbânın nezâret ve idâresi altında çalışacaklardır. Dördüncü Mâdde- Sıhhiye Vekâleti her dört ayda bütün memleket dâhilinde nezâret ve müşâhe- de altına alınan çocukların mikdârını ve bu usûlün tatbîkinden istihsâl olunan netâyici neşredecekdir. Beşinci Mâdde- Hasbî ziyâretçi hastabakıcılar: a) Tabîb tarafından çocuk için yazılan ilâc ve reçetelerin icrâ edilip edilmediğini murâkabe etmek b) Çocuklara yapılacak takayyüd ve ihtimâmı vâlidelere taʻlîm etmek ve bilhâssa vâlidelerin bebeklerini bizzât emzirmesinde ısrâr etmek c) Emzik istiʻmâlini menʻ etmek ve uykusu ihlâl edilmemek üzere meme fâsılalarında çocuğu tağziye etmek d) Hasta çocukların etıbbâ-yı sıhhiye tarafından meccânen tedâvîsini teʼmîn etmek e) Vâlidelerin mürâcaʻatı üzerine meskenleri ziyâret ederek hastalık hâlinde çocuklara yapıla- cak takayyüd ve ihtimâmı göstermek f) Tedâvî olunan çocukların istatistiğini sıhhiye idâre veya bürosuna vermek g) Çocuğu iki yaşına kadar nezâret ve müşâhede altında bulundurmağa hasbî ziyâretçi hastaba- kıcılar mecbûrdurlar. Altıncı Mâdde- Her iki senede en iyi istatistik tanzîmine muvaffak olan hastabakıcılar Sıhhiye Vekâleti tarafından mükâfât-ı nakdiye veya takdîrnâme ile taltîf olunacaklardır. _______________ İsveç Salîb-i Ahmer Hastabakıcı Teʼsîsâtı İsveç'de ilk defa ikmâl-i tahsîl eden Salîb-i Ahmer hastabakıcılarına 1866 târîhinde şehâdetnâ- me verilmişdir. Bu târîhden iʻtibâren hastabakıcılık mesleğinde İsveç mühim terakkiyâta sâha olmuş ve 1891'de Stockholm'de bir hastabakıcı mektebi küşâd edilmişdir. Müddet-i tahsîliye ilk zamânlarda aʻzamî altı ay iken hastabakıcı mektebinin küşâdıyla bu müd- det bir seneye ve 1900'de on sekiz aya, 1911'de iki seneye ve 1916'da üç seneye iblâğ edilmişdir. Stockholm Hastabakıcı Mektebi şimdiye kadar 659 hastabakıcı yetiştirmişdir. Maʻamâfîh İsveç Salîb-i Ahmeri diğer mekteblerde yetişen hastabakıcıları da kendi hizmetine kabûl ve ilhâk etmekde olduğundan 1916 senesi nihâyetlerinde [243] Salîb-i Ahmer hastabakıcıları- nın adedi 1285'[e] bâliğ olmuşdur. Son zamânlarda Stockholm'de açılan Salîb-i Ahmer hastahânesi hastabakıcılar için mekteb ve yurd vazîfesini görecekdir.