HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3950 Stockholm şehrinin teʼsîs etdiği diğer bir hastabakıcı mektebinin idâresi de Salîb-i Ahmer'e tevdîʻ edilmişdir. _______________ Yunan Gençlik Salîb-i Ahmeri Yunan Gençlik Salîb-i Ahmeri şimdiye kadar yirmi bir şuʻbe küşâd etmişdir. En ziyâde Yanya, Selanik ve Patras şuʻbelerinin faʻâliyeti görülmekdedir. 1926 senesinde teşek- kül eden grupların mikdârı 500'dür. Yunan Gençlik Salîb-i Ahmeri masârıfına zîrde muharrer dört nevʻ vâridât karşılık gösterilmişdir: 1- Gençlik Salîb-i Ahmer Mecmûʻâsı 'nın satış ve abonman hâsılâtı 2-Yunan Salîb-i Ahmeri tarafından verilen tahsîsât 3-Maʻârif-i Umûmiye Vekâleti'yle bazı zevât-ı âliyenin nakdî muʻâvenetleri 4-Aʻzâ âidâtı, Gençlik Salîb-i Ahmeri'nin alâmet-i mahsûsası vesâire. Maʻârif-i Umûmiye ve Mâliye Vekâletleri gençlik harekâtının terakkî ve inkişâfını himâye maksadıyla Gençlik Salîb-i Ahmeri'nin bi'l-cümle neşriyâtına ayda bir defa intişâr eden mecmûʻa da dâhil olmak üzere muktezî kâğıdı meccânen iʻtâ etmekdedirler. Yunan Gençlik Salîb-i Ahmeri'nin Program ve Faʻâliyeti 1-Hıfzıssıhha Hıfzıssıhha programında dâhil bulunan mesâilin başlıcaları şunlardır: 1) Sıhhat oyunları 2) Mekteb eczâhâneleri teʼsîsi 3) Çocuklar için diş muʻâyenehâneleri 4) Kırlarda ilmî maksadla tenezzühler ve mekteb bâğçeleri 2-Muʻâvenet Birçok grupların iʻmâl etdikleri elbise ve levâzım-ı zarûriye fakîr çocuklarla âilelerine ve çocuk ve ihtiyârlara mahsûs hayrâthânelere tevzîʻ edilmişdir. Süt, kitâb ve defterlerini tedârük edemeyen fakîr çocuklara da bu husûsda ayrıca muʻâvenet edilmekdedir. 3-Mektebler Arasında Muhâberât 1926 senesi zarfında Almanya, Avusturya, Avustralya, Belçika, İspanya, Cemâhîr-i Müttehide-i Amerika, Fransa, Büyük Britanya, Macaristan, İtalya, Yeni Zelanda, Lehistan, Romanya, Sırp, Si- yam, İsviçre ile mektûb teʻâtî edildiği gibi Yunan mektebleri arasındaki muhâberât ve mükâtebât da cildler teşkîl etmekdedir.